喺Parcoeur De 99ml可以製作自己想要嘅香水回禮🎁。 我哋係喺婚展睇到Parcoeur De 99ml，佢哋嘅Staff當時解釋得好詳盡🥰，所以最後我join咗佢哋嘅回禮嘅package，大概買咗160支😁。而我哋都有join Parcoeur De 99ml一個鐘至個半鐘嘅workshop🤩。上堂嘅時候，導師講解得都好清晰😉，畢竟我上堂之前都冇點了解過，但上到去就比較清晰自己要做啲咩😍，最後我就mix咗海洋清新同熱情果味💕。

導師都有講解前中後調係點樣㗎，然後我哋再從一啲範圍入邊揀自己鍾意嘅❤️。本身我對香水嘅認識都有喺度嘅，而出嚟嘅成品，無論係持久度，定係香味都好符合我哋嘅要求😁。就算我老公唔係好識香水，佢都分得出前中後調😆。而且上堂嘅時候，Parcoeur De 99ml俾我哋可以自己帶個朋友入去，幫我哋影相紀念📸，影低我哋製作嘅過程添😉。

而係攞貨嘅時候，其實婚禮前一個月佢哋已經備好晒貨㗎啦，不過Parcoeur De 99ml取貨日子嘅選擇比較少，但都好多謝佢哋願意遷就我哋嘅取貨時間🥰，佢哋嗰陣時都等我哋等多咗半個鐘💪🏻。 都有客人向我哋反映，覺得呢個香水味好清新好香👍，鍾意呢個味道❤️。而且呢個香水回禮嘅package包咗刻名同埋絲帶，唔需要再有其他嘅額外收費。呢個香水回禮本身嘅包裝真係好靚💕！