嗰陣時我哋搵MC都比較趕急，而我哋喺網上見到MC Billy各方面嘅評語都OK，所以就約佢出嚟見面，之後覺得佢嘅風格都係我哋鍾意嘅style，所以決定揀佢🤗。Billy做事積極，會主動問我哋準備成點，又會提供一啲資料俾我哋參考，令我哋唔使自己上網搵資料，慳咗好多時間🥳。另外，Billy都會主動問吓我同先生係點樣認識，唔需要我哋講太多，只需要講一個簡單version俾佢聽就OK😊。我覺得Billy唔係嗰種操控型嘅MC，唔會將自己嗰套揀套落去新人度，而係會好尊重我哋嘅諗法，然後適當地俾意見💯。

婚禮當日，Billy好早就到場準備，同我先生仲有其他人夾流程👍🏻。其實我哋唔係要一個好搞笑，好浮誇型嘅MC，而當日Billy嘅表現都符合我嘅要求😄。佢表現得體，又唔會有亂詞出現，令成個婚禮流程都好順利，我哋都覺得好滿意💯。面對突發情況，佢都應付自如，應變能力好強👏🏻。因為我舉行婚禮嘅時候喺疫情期間，來賓都分布喺唔同嘅房間入邊，而我哋嗰陣發現仲未影所有賓客一齊嘅大合照，全靠Billy廣播叫咪Call返啲人出嚟，最後成功影咗大合照，真係好難得😆。好彩當時有Billy，如果冇咗呢張大合照，我哋都會有遺憾🤪。同埋，我最欣賞佢唔會主持完咗就即刻走，反而會留到最尾同我哋打聲招呼先走，令我感覺有啲surprise，覺得佢好有責任感🎉。