影Pre wedding之前有做research，因為對Fantasy Concept信心比較有保證，感覺佢哋講嘅嘢比較誠實😚，其他嗰啲有種講咗但係未必做到嘅感覺。除咗佢哋嘅網頁，我都有上網睇吓一啲好同唔好嘅評語。不過我覺得佢哋可以喺網上講多啲團隊嘅理念，初心呀同埋俾多啲作品俾大家睇。第一次係婚展見到Fantasy Concept，我覺得佢哋好Nice💗，講嘅嘢實際啲同埋冇咁hard sell🥳，因為婚展嗰到好多人都係偏chur。

Fantasy Concept嘅相都係望落去好舒服🤩，同我鍾意自然嘅風格差唔多。我哋要求想要咩風格同埋影咩景，佢哋都會配合我哋。我哋就去咗日本京都影Pre Wedding，佢哋都有提供租借服務比和服👘我哋影相。我哋好想影櫻花，佢哋都好配合我哋，會搵定一啲櫻花好靚嘅地方俾我哋影相，所以真係好開心❣️。佢哋都大概知道我想要啲咩，都搵到一啲我哋好鍾意嘅景色，所以覺得Fantasy Concept係比較貼心😙。影婚紗相嘅時候都覺得日本人好Nice，好歡迎我哋喺度影相。啲相影得好好，同埋唔會P得太誇張，會微調但整體都係偏自然，都係我想要嘅嘢💕！