精選網誌

【回禮小禮物】賓客激讚5大回禮推介 | 新人忠告:不要再送鎖匙扣了!

Back to top

2021年03月15日 16:26:54

 

回禮小禮物

參加婚禮,你第一眼會望咩呢?新人?場地怖置?原來有唔少人第一眼都會望擺喺枱面上嘅婚禮小禮物。千祈唔好睇少回禮小禮物,佢絕對會影響你整個婚禮畀人嘅感覺,但而家市面愈黎愈多唔同嘅回禮禮物,新人應該點樣入手?

文:婚享會編輯部|圖:網上圖片, SOVOS, Parisine, Agreable

 

回禮小禮物

總括嚟講,回禮小禮物大致可分為三類型。當中有大熱之選,亦有近年逐漸冒起嘅特色小禮物。但當大家買得興起嘅時候,千祈唔好忽略當中一啲小問題呀,分分鐘令你完美嘅婚禮無辜添上一啲尷尬事情!

01)穩打穩紮型:糖、朱古力、曲奇

如果問乜嘢係大家收到最多嘅回禮禮物頭三位,相信「朱古力」、「蜜糖」以及「糖」應該都爭議聲不大!始終以上呢幾樣嘢都代表甜甜蜜蜜,自然成為唔少新人首選。

回禮小禮物

但要留意,呢類禮品雖然好穩打穩紮,但嚟參加嘅賓客其實係咪都會食朱古力、拎走蜜糖呢?若然踏入婚禮旺季,有機會一個月飲兩至三次,如果嚟嚟去去都係呢類物品,大家可能唔會再拎,造成浪費。

 

如想送一些「飲食類」禮品,其實可以選擇一啲既輕身,又可以養生嘅小茶包都係唔錯嘅選擇。例如禮品公司 Agreable 仲可以x08幫你設計個人化包裝添~

回禮小禮物

 


仲有平時等新人入場都等好耐,如果回禮小禮物係一包爆谷,可以邊食邊得等新人進場,你話幾正呢~Powcook一Set 6種口味爆谷

(黑白焦糖、松露朱古力、麻辣芝士、冬蔭公、錫蘭紅茶、紫薯焦糖),仲要係本土香港製造嘅爆谷,香港人必食!
 

回禮小禮物

02)玩味型:準備現場「飲食」

近年婚禮上都有唔少嘢玩,希望等賓客入席時唔使發呆,其實新人可以利用呢啲元素做回禮小禮物,例如係 PHOTOBOOTH,賓客可盡情影相之外,亦有「紀念品拎走」。另外如果考慮到唔太鍾意影相打卡嘅年長賓客,亦可以準備現場「飲食」如爆谷機、棉花糖機等等,有興趣先埋去拎,實行擺酒之餘不浪費。

回禮小禮物

回禮小禮物

03)心思型:新人客製化小物

結婚既然叫得做人生大事,自己做主角,當然希望人地都會記得自己個婚禮,所以有新人會將印有自己個樣或者婚紗相製成一啲物品,例如係鎖匙扣、相架擺設、水晶裝飾等等。但要小心,呢類物品通常最後嘅結果都係原封不地擺番喺枱面。試吓代入角色,若果你做賓客,都唔會想將人地嘅婚紗相擺喺屋企啦係咪?

 

婚禮回禮
所以推介各位新人可以考慮一下擺放「客製化小攤檔」,近年興起一鼓香水熱潮,例如 SOVOSParisine 的Mini Perfume Bar,賓客可於婚禮當日於親自調配佢哋鐘意嘅香水,收到自己最鍾意又獨一無二嘅回禮。 

回禮小禮物

回禮小禮物

04)新人意識型:實用小物

如果真係想以自己做主調,可試下做一啲「版卡通人像環保袋」或者月曆卡,盡量於日常生活都對大家有作用,唔浪費之餘亦都可以另大家隨時記得新人們,呢啲仲唔係一舉兩得?!

回禮

05)配合主題婚禮型

主題婚禮依家已經愈見普及,一個得意嘅主題絕對會亦令人容易留下深刻嘅印象!所以喺回禮上面往往都有令人意想不到嘅心思!

呢近年大熱文青風,隨即堀起不少特色嘅文藝物品做回禮,而近日喺網上見到一對文青朋友搞左一個戶外婚禮,一個溫暖嘅陽光伴隨住清草地,相當溫馨。佢哋嘅回禮都非常別出心裁,就係送出俘虜不少人心嘅「肉肉盆栽」仙人掌!

u200bu200b婚禮回禮

收到嘅賓客當然係非常開心!不過新人們要留意番賓客拎走時會唔會方便?現場多唔多小朋友走嚟走去?需唔需要有專人特別照顧一盆盆可愛嘅仙人掌?如果因為一個選擇而令要兼顧嘅事情多咗,又會否值得?

回禮小禮物

要做到有特色又方便賓客攜帶,其實可以根據月份、天氣而作出考慮。好似年頭年尾係婚禮嘅旺季,天氣比較乾同凍,新人就可以選擇一自家製嘅潤唇膏、潤手霜等等。呢類嘅物品除咗實用性非常高之外,亦可以令賓客感覺到一對新人真係非常貼心。

潤唇膏、潤手霜

所以,新人們,千祈唔好睇小一份好嘅回禮,絕對會幫你喺一場婚禮上錦上添花!

 

 

籌備婚禮由此囍✨全港最大的婚禮評語網站 Bespoke Wedding 婚享會,集齊最新結婚資訊😍即睇每月精選結婚優惠及獨家非凡禮遇🎁兼賺里數換蜜月機票攻略: www.bespoke-wedding.com/

gif