近年中式裙褂再度興起，唔少女星都會於大婚之日，穿着傳統中式龍鳳裙褂出門，更有部分會着上潮褂或者秀禾服，每條褂款都各具美態，但其實裙褂都有唔同類別，你又知唔知點分？
撰文：婚享會編輯部｜圖片來源：Pinterest, 網上圖片
傳統裙褂
原來傳統裙褂都有分不同嘅等級，而點分高低呢？就係由金銀線刺繡密度而區分，從高至低可分為1)褂皇、2)褂后、3)大五福、4)中五福同5)小五福。
要數圈中穿着褂皇嘅藝人，近年就有楊千嬅、胡杏兒、官恩娜、王君馨，「褂皇」金銀線繡得最密，基本上睇唔到線下嘅紅色緞布，繡工立體精美，配上金飾可顯得貴氣而隆重，即使無配戴金器，好似千嬅咁戴上金色黃色珍珠耳環同頸鏈點綴，優雅而不俗氣。
褂后
而剛誕下小寶寶嘅楊怡，結婚時所穿着嘅褂后採用約90%金銀線製成，金銀線刺繡細密，雖然程度略比褂皇為疏，但仍然滲出一陣濃濃嘅貴氣感覺。
五福裙掛
想不到鬼妹仔性格嘅香香，於婚禮上仍然跟足傳統，穿上紅色嘅五福裙掛，感覺活潑可愛！
秀禾服
除咗傳統裙褂，近年仲興起另一類中式結婚服飾－秀禾服。秀禾服其實係一種漢族女子所穿嘅襖裙，特點係外型寬鬆，上衣為立領或圓領、對襟或右衽大襟襖褂，下服馬面裙，寬大嘅雙層袖口都係特點之一。若果你是微胖型嘅新娘，着上去會有好好嘅「遮肉」效果。
就以Angelababy為例，大婚當日佢着起秀禾服，令到鬼鬼地嘅Baby即時提升佢嘅古典美。而於拍婚照與結婚當日，敬茶時分別着上兩款唔同嘅秀禾服作為嫁衣。
而陳妍希呢套秀禾服更突破咗「大紅」色調傳統，採用橙色綉金設計為主，裙擺揉合紗裙質料，而刺繡圖案於橙色色調襯托底下，氣勢與紅色裙掛不相伯仲，同樣貴氣迫人。
潮褂
鍾嘉欣於2016年在溫哥華結婚，正式嫁作人妻。當時鍾嘉欣就以一身紅色中式潮褂亮相見傳媒。佢跟傳媒表示，由於佢相當喜愛紅色裙褂，但亦希望注入年輕元素，所以希望自己出嫁時，能夠穿上一套以紅色為主調，配以其他繽紛色彩嘅潮褂出嫁，再加上度身設計嘅花邊摺袖，富中國傳統氣息同時又唔會老套。
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊😍即睇每月精選結婚優惠及獨家非凡禮遇🎁兼賺里數換蜜月機票攻略： www.bespoke-wedding.com/
