2020年07月14日 18:19:19
準新娘大婚當日要靚足全場，但千祈唔好忘記手踭部位嘅保養！好多B2B就係忽略咗呢Part肌膚保養，令到角質積得太厚，久而久之老化角質堆積成為纏人嘅黑色素，仲令到肌膚變得粗糙，搞到手踭睇上來黑髒髒咁。唔想大婚之日俾發黑嘅手踭搶哂鏡？韓國美容節目OnStyle就分享咗幾個美白大法，沖涼之前花幾分鐘，用簡單材料就可以輕鬆變白，快啲Click入來睇睇啦！
撰文：婚享會編輯部｜圖片來源：網上圖片
可以DIY磨砂膏，去幫助手踭美白～首先用保濕噴霧弄濕手踭部位
再利用熱毛巾熱力去軟化角質，只要敷上2-3分鐘再擦乾就可以
然後取一湯匙磨砂膏，放於手踭上打圈按摩，等待約1分鐘再沖洗乾淨～
推介大家可以用紅糖、蜂蜜、椰子油去DIY磨砂膏
所需材料：紅糖、蜂蜜、椰子油
製作方式：飯碗中放入七分滿嘅紅糖，加入一茶匙蜂蜜、半茶匙椰子油，並將其攪勻就完成啦～
你亦可利用檸檬直接按摩～
檸檬含有豐富維他命C，用來按摩手踭部分能改善暗啞，有即時美白功效！將檸檬對切後直接以畫圈方式按摩手踭即可。
睇上去肌膚白咗兩度～感覺仲水潤咗
去完角質後，記得要塗上美白乳液去維持滋潤效果！
想慳錢其實用凡士林都得～唔單止可以擊退黑色素、仲可以滋潤粗糙關節部位，令膚色更亮白均勻啊～
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊😍即睇每月精選結婚優惠及獨家非凡禮遇🎁兼賺里數換蜜月機票攻略： www.bespoke-wedding.com/
