精選網誌

【婚攝必備】Donki Pre-wedding扮靚篇!15大Pre-wedding必備物資清單!

Back to top

2020年12月01日 14:57:25

【婚攝必備】Donki Pre-wedding扮靚篇!15大Pre-wedding必備物資清單!
影Pre-Wedding事前往往都有唔少嘢要預備,但要周圍搵/買都幾花時間~ 所以今次編輯部帶大家嚟到Donki尋寶,原來唔單止日常用品可以喺Donki買到,就連唔少結婚、婚攝用品都可以喺Donki搵得到!今次我哋私心推介15大Pre-wedding必備物資清單,由新人去到主子扮靚寶物都有,各位B2B要密切留意!

撰文:婚享會編輯部|圖片來源:網上圖片



新娘美白系列!

1/ 甜美笑容必備!美白牙齒棉花棒

呢盒美白牙齒棉花棒係美白牙齒嘅高人氣產品,一盒有五支,只要輕輕刷洗就可以幫助美白潔淨牙齒,有助去除牙齒表面的泛黃同污垢!

【婚攝必備】Donki Pre-wedding扮靚篇!15大Pre-wedding必備物資清單!

 

2/ 去除黃牙!必備美白牙膏

嚟到日本藥妝店,相信大家都會喺當眼處發現Ora2牙膏嘅蹤影!呢個品牌嘅牙膏相當受日本妹歡迎,Ora2牙膏有唔同系列,呢支高效去除牙漬美白牙膏,每星期使用一次,可以有助去除黃牙及防止牙結石沉積。建議擠珍珠大小用量,按照平常方法刷牙,然後以清水漱口,於牙漬較深處可加強使用!

【婚攝必備】Donki Pre-wedding扮靚篇!15大Pre-wedding必備物資清單!
3/ 美白牙線!令牙齒間回復亮白

呢款同樣出自Ora2,外形好似唇膏嘅物體,原來係美白牙線!大家平時美白牙齒嘅同時,都記得要用牙線,咁先可以有效清除污漬及牙縫殘留物,令牙齒間回復亮白!

【婚攝必備】Donki Pre-wedding扮靚篇!15大Pre-wedding必備物資清單!
4/ 亮白肌必備!高保濕美白Mask

影Pre-wedding前,又點少得敷返個高保濕美白Mask!不過各位B2B記得唔好影相前一日先試新Mask,最好要用過覺得OK先好敷,避免重要日子前出現敏感情況!

【婚攝必備】Donki Pre-wedding扮靚篇!15大Pre-wedding必備物資清單!
5/ 一機兩用!Mask保濕導入器

呢款美容儀設有兩個模式:敷面膜時可使用負離子導入模式,加強皮膚吸收面膜精華;亦可選擇正離子導出模式,用自帶的環形扣固定化妝棉,再滴入化妝水,就可以清潔臉部肌膚~

【婚攝必備】Donki Pre-wedding扮靚篇!15大Pre-wedding必備物資清單!
6/ 去角質身體磨砂!

呢款身體磨砂膏可以幫助身體去除老舊角質,更加入植物性保濕成分,好似乳木果油,溫和親膚,仲有淡淡花香!
【婚攝必備】Donki Pre-wedding扮靚篇!15大Pre-wedding必備物資清單!

7/ 重點液下護埋!液下去除角質

影Pre-Wedding時總會有舉起手嘅動作,所以液下呢啲位都要做好護理,千祈唔好忽略!呢支「白液下美人」用法簡單,可以塗喺液下輕輕摩擦30秒就可以令液下肌膚白雪雪,去除角質,仲可以保濕!影Pre-Wedding前一定要先用佢好好護理!

【婚攝必備】Donki Pre-wedding扮靚篇!15大Pre-wedding必備物資清單!
8/ 清新有活力!最強香氛防曬噴霧

KOSE SUNCUT高效防曬噴霧 SPF50+ PA++++,質地輕盈唔油膩,時刻保護肌膚免受紫外線傷害,仲有花語香氛(限量版!)聞住香氣個人都更清新有活力!

【婚攝必備】Donki Pre-wedding扮靚篇!15大Pre-wedding必備物資清單!

新娘扮靚必備!

9/ 新娘精靈Color Con!

影相又點少得Color Con?戴咗之後可以令你對眼更精靈有神!呢度嘅Con款式都好多,小編就鍾意自然嘅啡色系列,不過如果影Pre-wedding嘅話,有時試下特別色好似Dusty Gray都唔錯!

【婚攝必備】Donki Pre-wedding扮靚篇!15大Pre-wedding必備物資清單!
10/ 瘦面神器!

影相時總想塊面瘦啲、瘦啲再瘦啲!想V面+提升輪廓,呢款V-LINE PACK幫到你!

【婚攝必備】Donki Pre-wedding扮靚篇!15大Pre-wedding必備物資清單!
11/ 消除雙腳疲勞恩物!

呢種女性睡眠用加壓襪,可以幫你消除雙腳疲勞,亦常被稱為瘦腿襪~ 夜晚瞓覺時著上,加壓襪能為雙腿施加恰到好處嘅壓力,令浮腫同疲勞嘅雙腳得到放鬆,無論影Pre-Wedding前後都可以著!

【婚攝必備】Donki Pre-wedding扮靚篇!15大Pre-wedding必備物資清單!
保暖 VS 降溫恩物!

12/ 女士保暖必備!

如果喺凍冰冰嘅冬天影婚紗相,仲要著住性感婚紗,你都咪話唔凍⋯⋯ 呢個時候當然要暖貼坐陣!

【婚攝必備】Donki Pre-wedding扮靚篇!15大Pre-wedding必備物資清單!

13/ 男士降溫恩物!

呢件真係男士嘅寶物,影Pre-wedding有時要喺太陽下暴曬,熱辣辣仲要著住套西裝,咁呢包「極冷濕紙巾」就可以大派用場喇!

【婚攝必備】Donki Pre-wedding扮靚篇!15大Pre-wedding必備物資清單!

主子扮靚系列!

14/ 寵物搶鏡和服!

除咗新人要扮靚之外,主子當然都要有靚衫著啦!呢度有好多款衫仔都好得意,仲有好可愛嘅和服添!主子著完靚衫影Pre-wedding之後,Big Day都可以著住出場,真係搶晒鏡啊!

【婚攝必備】Donki Pre-wedding扮靚篇!15大Pre-wedding必備物資清單!
搞笑婚攝系列!

15/ 搞笑路線必備!得意頭套~

若果你同另一半都係走搞笑路線嘅話,必備呢類得意頭套!影Pre-wedding一般自由度較大,可以加入唔同創意元素,其中一輯加入得意頭套拍攝,應該會令婚照變得好玩又難忘!

【婚攝必備】Donki Pre-wedding扮靚篇!15大Pre-wedding必備物資清單!

密切留意下集!編輯部私心分享Donki Big Day急救寶物!

睇完呢15大分享之後,唔知大家又最鍾意邊樣呢?留言話俾我哋知啦!如果大家喺搞婚禮上遇到任何難題/難忘事,都歡迎話俾我哋知!如果大家覺得今次分享實用,記得Share俾你哋嘅姊妹睇喇!下一集我哋會介紹Big Day必備急救寶物,大家記著密切留意!

 

籌備婚禮由此囍✨全港最大的婚禮評語網站 Bespoke Wedding 婚享會,集齊最新結婚資訊😍即睇每月精選結婚優惠及獨家非凡禮遇🎁兼賺里數換蜜月機票攻略: www.bespoke-wedding.com/

gif