搞一個婚禮真係有好多嘢要預備，如果你以為你已經搞掂好晒，Pack好晒嘢，去到Big Day前一晚，先發現原來預備漏咗一啲道具／物資，可以點做？！呢個時候，Donki幫到你！即使你凌晨突然想補給物資，都可以去Donki急救！今次編輯部挑選咗10大Big Day急救物資＋5大玩新郎道具清單，Big Day前千祈唔好忽略以下最重要嘅細節！ 

撰文：婚享會編輯部｜圖片來源：網上圖片
 

新娘扮靚/急救系列！

1/ Big Day前肌膚飲飽水！敏感肌適用面膜

新娘子結婚前一晚，當然要保濕！保濕！保濕！敷返塊保濕Mask，第二日上妝都貼服好多！而且呢款Mask出名敏感肌都用得，咁就唔怕敷完會敏感啦！不過穩陣起見，當然要先預早少少試用，千祈唔好Big Day前一日先試用新面膜啊！

2/ 不要忽略雙手！人氣美白護手霜

要整靚塊面之餘，當然都唔可以忽略雙手！戴戒指時攝影師會Close Up雙手，所以新娘子必備美白護手霜，幫雙手扮靚！

3/ 塑造蜜桃臀！收腹提臀褲

懶做運動，但又想擁有蜜桃臀，最好就係著收腹提臀褲！著咗佢，可以令臀部線條提升！ 

4/ 新娘子必備Nude Bra！

去到前一晚先發現唔記得帶Nude Bra？！唔緊要～ 就算係凌晨，去Donki都可以搵得到，即時解決你嘅煩惱！

新娘袋必備系列！

5/ 保護唇妝！新娘必備飲管

新娘子化到個妝咁靚，當然唔可以整花佢啦！但新娘子時刻都要飲水補充水分，呢個時候飲管就大派用場啦！

6/ 白襯衫必備！神奇去漬筆

唔知點解著親白色衫總係好大機會會整污糟！所以無論新娘定新郎袋中都必備「神奇去漬筆」，無論俾自己定賓客用都得，咁就安心好多啦！

7/ 戴Color Con必備！眼藥水保持雙眼濕潤

唔少新娘子為咗靚都會想嗰日戴Color Con，但往往好容易會導致眼乾，所以新娘袋中必備眼藥水，時刻令雙眼保持濕潤！

8/ 方便易攜帶！細細粒洗面粉

呢個洗面粉有幾勁就唔駛多講啦，最重要係佢細細粒方便攜帶，就算去酒店出門，都可以放入新娘袋，令面部保持潔淨透亮！

攝影好幫手系列！

9/ 令畫面更豐富！結婚日期氣球

如果想影相時更加好玩，畫面更豐富，但又唔知買咩Props，氣球絕對幫到手！買結婚日期氣球，請兄弟姊妹拎住，而一對新人就可以喺前面影相，效果靚之餘，又有紀念價值！

10/ 夢幻外影必備！即時泡泡Effect！

臨急臨忙想搵一啲Props外攝又無從入手？好彩Donki都有大泡泡玩具可以買得到，影相時想幾夢幻都得啦！ 

同場加映：5大玩新郎系列！

若果大家前一晚先醒起唔記得預備玩新郎玩具，唔駛怕！因為Donki嘅選擇絕對夠晒搞笑又好玩！一定幫到手！

11/ 夫婦問答環節必備Yes No牌！

無論係玩新郎，又或者係夫婦問答環節，都必備呢種Yes No牌，答問題時舉牌就搞掂，好玩又方便，而且影相嘅時候效果仲唔錯！可惜$64.5真係有啲貴，不過急救嘅話就無辦法啦，所以鍾意嘅新娘子可以預早先格價！

12/ 玩新郎影相一流！頂癮BB奶樽

呢款Props就算唔飲得，用嚟影相都好得！

13/ 兄弟團化身迷人女僕！

請新郎同兄弟著上一套套女僕／學生Look，擺出一個個性感Pose留念，畫面應該相當爆笑！

14/ 玩遊戲打卡必備！搞笑Cosplay假髮

要玩Cosplay，又點少得假髮？呢度嘅假髮款式相當齊備，亦係影相打卡好幫手！

15/ 人氣大熱道具！尖叫騎呢雞～

見到呢隻雞，相信大家一啲都唔陌生！無論聲效或外觀上都非常爆笑，絕對係玩新郎人氣大熱道具！

睇完呢15大分享之後，唔知大家又最鍾意邊樣呢？留言話俾我哋知啦！如果大家覺得今次分享實用，記得Share俾你哋嘅姊妹睇喇！我哋會繼續為大家分享更多最新、有趣嘅婚禮資訊，大家要密切留意！

✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊😍即睇每月精選結婚優惠及獨家非凡禮遇🎁兼賺里數換蜜月機票攻略： www.bespoke-wedding.com/