精選網誌

結婚係唔係我錯?!😫

Back to top

2020年12月16日 19:18:36

唔好再俾我聽到你講「你揸主意啦」!

疫情下搞婚禮真係一大挑戰🤯,身為一個醫護,平時返Shift已經好辛苦😰,放工仲要搞結婚嘢,而且又要成日留意疫情新聞,每次睇到又要改到幾多人一圍,又要限堂食去到幾點嗰啲消息,新聞出一次驚一次,人都癲😤!最慘係我男人又愛理不理,乜L嘢都唔關佢事🤬,搞到我結婚好似為咗自己咁,另外99要求又無理取鬧,鬧咗N次交,喊到開始懷疑人生😭,真心想問,係咪個個Sis都有咁嘅遭遇😞?

新人:CM珊

係咪我錯 1/ 成日都話「你揸主意啦!你鍾意啦!🤷‍♀️」

同男人傾,問佢邊件婚紗好、婚禮用咩Deco好、搵邊個場好,但佢嘅回應竟然係:「你揸主意啦,如果我俾意見,你又堅持自己諗法,咪會成日鬧交囉?我無所謂㗎~ 你鍾意啦!💁‍♂️」所以佢就咁就乜都推俾我跟🤷‍♀️。但係大佬呀,揀錯俾99閙嗰個係我呀嘛~🤦‍♀️ 乜都話問阿珊,真係好大壓力㗎🤯!都真係唔知其他sis D男人係咪都係咁,問多兩句就話放工好攰唔想講🤬!不過我伴娘話,佢叫妳揸主意其實已經好好,但係老實講我唔覺囉。。。🙄

係咪我錯 2/ 點解就連99都將所有責任推俾我😳?

之前揀99衫時,99因為疫情話佢唔想落街,所以叫我去99衫啲舖頭影相俾佢睇,仲要個個禮拜都催我問我去咗幾多間😫,有無佢想要嗰隻紫色(重點係佢形容嗰隻紫色叫“好華麗嗰隻紫“,我真係問店員問到佢哋個個O哂嘴😦!)當時我同佢呻咗一句:「我自己婚紗都未揀,就同你揀99衫。。。」一講之後佢即黑面😵!大佬我都要返工,我都有自己嘢要做,有時我都諗,搞得咁辛苦,都唔知為咩。。。🥺

係咪我錯 3/ 同99爭論時,男人唔企喺我嗰邊😤!

又係講99,因為疫情,已經同99講話疫情下擺酒安排隨時會變(而家仲要玩到變2人一圍添🤦‍♀️),點知佢仲不斷話要請邊個邊個,闔府統請得嚟仲死話要同邊個邊個金蘭姐妹坐😨!而家玩音樂椅咩,一起音樂就可以換位🙄?唔係我唔俾你坐,係政府要咁樣安排啊!當然呢句我唔敢講啦,雖然男人成程都喺度,但竟然唔出聲幫口,唔企喺我嗰邊😡!點都好,出年1月5日,成功在望,希望大家都可以同心抗疫,俾我可以順利畢業啦。。。🤞🤞🤞

籌備婚禮由此囍✨全港最大的婚禮評語網站 Bespoke Wedding 婚享會,集齊最新結婚資訊😍即睇每月精選結婚優惠及獨家非凡禮遇🎁兼賺里數換蜜月機票攻略: www.bespoke-wedding.com/

gif