B2B當然想Big Day當日以最靚膚質示人，所以就開始喺Big Day前好似「面膜狂人」范冰冰一樣，日日狂敷面膜，而且敷完仲會將剩餘精華都塗上面，咁先唔會浪費！但原來咁樣分分鐘會令皮膚越敷越差，仲會更易導致「爛面」？！唔想引發危「肌」，即睇敷面膜5大NG位，避開面膜地雷！
撰文：婚享會編輯部｜圖片來源：網上圖片
1/ 日日敷面膜，皮膚就最水潤無瑕？
唔少B2B都好心急，心諗敷面膜可以令皮膚更水潤，咁Big Day前日日敷，皮膚一定可以最靚啦！但其實原來好多皮膚科醫生都唔推薦每日敷面膜！若果日日敷面膜，肌膚係變得水潤，但同時透氣性都會變弱，長此下去無法適應乾燥環境，導致自我抵抗力變差！而且有啲面膜入面會添加防腐、抗菌劑，日日敷面膜容易對皮膚造成刺激。所以即使不含酒精嘅保濕型面膜，最多都只好一星期敷3次左右，如果係收毛孔、美白個啲更加唔建議日日用！
2/ 妝前敷面膜能讓妝容更貼服？
B2B最擔心嘅，當然係Big Day當日個妝貼唔貼服！唔少B2B都Plan咗Big Day當日化妝前敷面膜，個妝會貼啲，但事實係咪真係咁樣？首先，Big Day當日千祈唔好試之前從來都無試過嘅面膜款式，而且有啲面膜嘅精華質地較濃稠，敷完面膜後，面上會殘留唔少精華液，反而會增加底妝出現結塊嘅機會，也令往後更容易脫妝。穩陣起見，都係用返自己平時用嘅化妝水濕敷，加上平時做好保濕護膚步驟，千祈唔好臨急抱佛腳！
3/ 敷面膜後應唔應該洗面？
敷面膜後洗面 VS 唔洗面？真係好難決擇！始終每個人嘅膚質都唔同，處理嘅情況都唔同。若果係敏感肌，建議敷完面膜後用清水洗面，防止空氣中嘅粉塵黏喺面上，又或堵塞毛孔，令皮膚難以呼吸，長期落嚟就更容易生痘痘同粉刺！
4/ 敷完面膜後再將包裝內的精華塗上面？
敷完面膜後，皮膚已經吸收足夠嘅精華，所以即使包裝內剩餘精華，都唔應該再塗上面，否則容易導致毛孔堵塞，油性肌嘅B2B更加要小心注意！唔想浪費嘅話，塗喺手或頸係可以嘅～ 若果想加強皮膚保濕效果，敷面膜前可以先用精華液打底，再敷面膜，可以令精華液更有效被肌膚吸引～ 即使未到10-15分鐘，但若果感覺到面膜某啲位置開始變乾，都可以拎落嚟，唔好俾面膜反吸面上水分！
5/ 捱夜時敷面膜係好事？
有時候Feel到成個人好攰，肌膚好脆弱、好乾，總會好想用面膜去為肌膚急救！但原來係呢啲時候敷面膜，過多嘅營養亦會破壞肌膚平衡，出現刺痛嘅感覺，反而會令皮膚容易受到刺激，各位B2B要小心注意！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊😍即睇每月精選結婚優惠及獨家非凡禮遇🎁兼賺里數換蜜月機票攻略： www.bespoke-wedding.com/
