早排小編邀請咗Monalisa Bridal Salon同大家介紹近年流行結婚相元素，其實當時佢哋仲有講到好多香港隱世婚攝地點，不過由於之前篇幅太長、內容太豐富，所以就預定分開兩篇講！想睇返上一篇，可以 click here ～依家就等我哋一齊睇下，到底香港仲有咩不為人知嘅小眾高質婚攝地點啦！
1. 坪洋
聽名應該滿頭問號，坪洋係咩地方嚟㗎？其實坪洋喺粉嶺坪輋，該地最出名一定係超大片芒草平原！每年11月至12月，就會有超多人去打卡！盛開嘅時候真係靚到不得了，特別係日落時間，整個場景極浪漫，點可以唔去影結婚相啊？！
由於坪洋嘅芒草屬於低地芒，高度大概2米至3米，相比大東山芒草，坪洋芒草成長得更加茂密！快來拍下專屬你倆的白色浪漫！
Monalisa Bridal Salon仲偷偷話比小編聽，坪洋除咗芒草平原之外，附近仲有好多婚攝景點！所以大家唔使驚，山長水遠入到去只有一個景影。不過實際喺咩位置，就要讀者去問下佢哋⋯
2. 城門主壩
大家去城門水塘，通常都會去睇「白千層夾道」或者「水浸白千層」，不過Monalisa Bridal Salon就話，其實水塘另一邊都好好影！
城門水塘主壩景觀超級開揚，如果新人去影婚照當日天氣好，一整片藍天做背景真係靚到不得了！而且現場嘅人普遍都好慢活，氣氛非常好，喺該處影婚照心情都會跟住變好～
只要仔細一睇，就會發現城門主壩有好多適合影婚照嘅石牆，加上有唔少曲線結構，影婚照時嘅拍攝角度就更加多變。
3. 華山軍路
係啊，我哋又遠征！華山軍路位於上水，可以望到梧桐河及梧桐山，景色非常好！而且康文署列華山軍路為合家歡路線，所以新人唔使驚要好辛苦先去到拍攝地點。講樣嘢比你哋知，華山山路其實可以通往啱啱介紹嘅坪洋，不過就要行足6公里⋯
例如照片中嘅絕美小山林，現場仲可以睇到上水景色，綠油油一片真係好靚～
如果想睇更多Monalisa Bridal Salon嘅作品或者資訊，可以參考以下連結。
www.bespoke-wedding.com/merchant/id/21315－蒙娜麗莎－Monalisa＿Bridal＿Salon-評價－好唔好
鳴謝圖片及資訊提供：Monalisa Bridal Salon
仲想睇多啲婚禮籌備懶人包嘅文章？快啲Click入嚟睇啦！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/
