要搵到一間同時符合準新人及四大長老嘅婚宴場地真心難，但今次嘅新娘子 Hoi 好好彩揀到一間無論係環境、服務抑或地理位置都完美match到大家預期嘅優質場地，而且仲要係時尚氣派嘅中菜廳！
特高樓底加全場無柱式設計 超貼心包Backdrop設計
「佢成個環境係樓底高，又有玻璃窗喺旁邊，感覺比較寬敞」
天澄閣中菜廳空間十足，樓底特高，加上場內無柱式設計，整個感覺令 Hoi 同佢嘅親朋好友都唔會有壓迫感。場地仲有全景落地玻璃幕牆設計，令原來氣派印象更顯奢華。
「我哋有上去預先聽吓我哋婚禮要播嘅音效，其中有一段音樂聲音偏細，天澄閣啲音響同事就建議我哋去搵一個更加大聲嘅 version，希望我哋播出嚟嘅效果出嚟會更加好」
場地設有特大劇院式舞台，天澄閣超貼心包埋 Backdrop 設計，有多達 5 - 6 款比準新人選擇。而且佢哋有良好音響設備及燈光效果，經驗豐富嘅職員亦會按情況提供有用意見。
職員服務超水準 婚禮前或婚禮後均服務周到
「天澄閣嘅 staff 都好貼心、服務周全」
Hoi 表示喺婚禮當日，天澄閣特別安排咗一位職員跟足自己全日，喺身邊做支援角色。例如職員會幫手 hold 住婚紗尾部，提醒新娘子上落要小心、長輩行出行入時，職員亦有去扶佢哋等等，真係十分貼心！
而且食嘢嘅時候，每一圍都有一位職員跟住，隨時都可以做到補給。就算直到婚禮結束，職員都有幫手打包食物比準新人，驚佢哋婚禮期間冇機會食到嘢會餓親～Hoi 真心覺得無論婚禮前定婚禮後，天澄閣服務都非常周到！
食物質素有保證 地理位置及交通配套超完美
「我哋嘅賓客都話佢哋啲嘢食幾好味，而且佢哋嘅賣相擺盤都好睇」
唔好以為婚禮食物就一定「揸流灘」，天澄閣中菜廳嘅婚宴菜式出名有質素，例如人氣菜式蟹鉗、魚翅等～Hoi 嘅賓客都對當日食物讚不絕口！
「天澄閣嘅地理位置適合，又有shuttle bus，出入都方便啲啦」
不得不提係天澄閣交通配套非常完善，由紅磡站或黃埔站步行至酒店只需約8分鐘路程，就算係揸車都可以泊喺酒店停車場。另外婚宴套餐仲包埋免費婚宴專車接送服務，接載賓客前往紅磡港鐵站至婚宴場地，真係好方便！
天澄閣中菜廳
地址：紅磡灣紅樂道12號海韻軒酒店3樓
電話：(852) 2121 2217
Whatsapp：(852) 5592 6900
電郵：info@chr.com.hk
官方網站：https://www.chr.com.hk/
仲想睇多啲婚禮籌備懶人包嘅文章？快啲Click入嚟睇啦！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/
