最近，婚享會 BESPOKE WEDDING 討論區 收到唔少新人分享，指出本身打算聘請頗受歡迎嘅婚禮MC確保 rundown 順暢，但最後事與願遣，網民指該名 MC 唔單止態度欠佳，更加令新人婚禮後一直感到極為失落！😭
爭論點喺邊？
-
MC 無跟新人意思播放重要嘅「早拍晚播」─ 新人表示開會前已經講明「驚無時間坐低睇片」，但MC 喺婚禮當日指示酒店方面唔需要播片；
-
MC 無跟 rundown ─ 新人本來已經發現 MC 好多甩漏，rundown 要求MC 指示賓客在 march-in 時舉手機燈，但 MC 不單止無指示，新娘入場見到全場無燈非常愕然，MC 喺呢個時候更加黑面揶揄新娘發呆；
-
MC 令新人感到不被尊重 ─ 新人多次在台上見到 MC 在台下反白眼，極為影響新人情緒，又未有向新娘確認播片要求；
其實婚禮司儀絕非只係上台講幾句咁簡單！好MC唔單止可以帶動氣氛，更加係婚禮流程的守護神 🛡️！小編徵詢咗業界公認專業嘅兩大高手意見，並為大家提供三大避雷心法，希望協助大家揀到最適合嘅婚禮司儀。💖
1. 事前要開會！開會！開會！#重要事要講三次🗣️
因為大量各種 big day 準備事項，好多新人都會靠網上推介或者朋友介紹去搵MC，所以好多新人事前都未必會同到MC 開會。以上方法固然可以起過濾作用，但千祈唔好齋睇資料就落決定 🙅♀️！事前見面真係好！重！要！點解？
-
觀察佢專業度以及談吐 💬 ─ 一個好MC，必須語言表達清晰流暢、具備幽默感，並且反應靈敏；根據唔同風格，唔同MC 有唔同說話、處事方式，確保MC風格係你想要嘅方向！
-
感受佢「人味」🥰 ─ 佢夠唔夠細心，有無根據你需求、提出相應要留意嘅細節？MC 眼神、語氣，都透露出佢哋對工作嘅熱情同埋係咪尊重新人。如果喺溝通時感受到無耐性或者不悅，就非常值得留意；
-
睇佢熟唔熟行 🧐 ─ 佢對婚禮流程有幾熟悉，對你地嘅想法有無建議？對於流程可能發生問題的環節有無提醒及預判？一個有經驗嘅MC，唔單止可以「包底」，更有助喺現場面對突發狀況，做出更冷靜嘅現場判斷。
近年「婚禮MC」逐漸受到新人重視，大家都發現好嘅MC 可以令婚禮順利無阻 💯！我哋之前曾經介紹過嘅「細節之鬼」 MC Alan Li 表示，只要有任何類似不專業的情況出現，都有可能令整個行業被扣分。但正因為呢個崗位非常重要，即使係網上口碑再好嘅MC，都唔一定完全符合你期望，親身感受其風格與你是否契合才是關鍵！見面傾過偈，你先知大家夾唔夾 🤝！
2. 互相溝通要「打爛沙盆問到篤」！千祈咪怕煩咪怕直接！🤯
婚享會群組新人分享清楚反映，溝通上、風格上嘅誤解同缺乏明確確認會帶嚟幾大問題。所以，同MC開會嗰陣，所有嘢都要「打爛沙盆問到篤」👇 ！
-
所有嘢要「白紙黑字」✍️： 開會後，不論係流程、時間、特別環節（例如：「早拍晚播」時間點，有無親友影相需要特別處理），全部都要寫清楚落 rundown，經雙方確認，用例如 WhatsApp 留底。盡量將所有環節列明，確保雙方使用相同流程！
-
唔好怕重覆確認 ✅：即使事前一再確認，都唔保證大日子當日無有任何問題發生，婚禮當日最好當住新郎新娘面再確認一次，確MC 及新人雙方有共識。
-
講清楚你嘅「底線」🚫： 盡量要展現自己真實性格。如果你係個「準時人」，唔想overrun，就要同MC講清楚。如果係 carefree 性格想要奔放婚禮，都等MC可以預早知道，再去調整主持風格。如果你哋有啲特別嘅要求，例如唔想飲醉，都要事先講明，等MC有個心理準備。在行內有豐富經驗既 MC Oliver Lee， 都提到：「雖然大家工作上係第一次見，大家當然都會比較尊重同埋斯文啲，但最好唔好太刻意修飾， 可以避免尷尬情況，亦可配合真情流露， 台上嘅火花都會更加好，始終大家都希望刻意見到最真實既你呀嘛。」
就算部份想法未確實，都要提出商量記錄清楚，千祈唔好怕MC會覺得你麻煩，因為呢個係你一生人一次嘅婚禮，無人想留有遺憾㗎嘛 👰♀️🤵♂️ ！正如 MC Oliver 指出：「每個環節都要問清楚，MC 其實係你嘅超級 reminder，所有事情都在新郎及新娘面前拎共識，共同決定就最理想啦！」
3. MC唔只係個「主持人」，佢係你婚禮嘅「協調人」🤝！
有關MC 喺婚禮嘅定位，MC Alan Li認為：「MC係一個比較多對白嘅配角，婚禮司儀最大任務就係將目光焦點鋪墊返去新人度，成為婚禮嘅溝通橋樑同潤滑劑！」佢知道婚享會討論區嘅新人情況後，建議就算時間好晏，影緊相都好，無論如何都要播早拍晚播，以免留下遺憾，因為婚禮MC 係你嘅協調人：
-
留意佢嘅應變能力 🧠： 婚禮現場總有突發情況，例如有長輩唔知要影相，或者突然overrun，有兄弟姊妹玩得太興奮 🎉。一個好嘅MC，唔會黑面或者唔理你，佢會主動幫你協調各方（例如酒店、攝影師、姊妹兄弟），務求幫你搞掂 💪！
-
簡報（briefing）環節要參與 🗣️：婚禮當日，酒店通常會有個簡報會，新人方一定要有代表參與，確認所有安排無誤，在儀式前降低問題出現可能性！同時可以觀察個MC係咪清楚認知流程，有無疑問，佢有諗法有無即時同你溝通。
最後都想提醒各位準新人，婚禮MC雖然係個重要角色，但主角永遠都係你哋兩位 💑！ 揀個啱心水、有heart、有承擔嘅MC，佢會好好咁將你哋嘅愛化成一場無憾又難忘嘅婚禮 💍。
想知道其他新人點樣揀佢哋嘅心水 MC? 請即刻到 https://www.bespoke-wedding.com/cat/86 睇下唔同 MC 嘅客戶評分；揀啱MC 或其他心水服務，都可以去 https://wa.link/qvilzc 查詢、預約或登記！
祝各位準新人，都可以擁有一場「無悔」嘅夢幻婚禮，同另一半甜甜蜜蜜，攜手邁向明天 🥂！