我地係婚展接觸到Arlene Wedding，睇過佢地既相之後覺得幾符合我地鍾意既style，偏向自然風，唔會過分調色。我地想以旗袍為主題影一輯，Arlene Wedding好配合到我。一開始佢地既同事已經好似朋友咁同我地傾計，感覺舒服。

揀衫既時候我無經驗，同事都幫我揀到我鍾意同合適既衫，過程好快好順暢。正式拍攝前一日同事會幫我地final fit, 我試上身真係覺得改得好合身😍，唔怕影相既時後會穿崩。攝影師Bobby係事前都俾左好多意見我地，我提出想影既地方之後佢會幫我規劃，揀衫方面都俾左意見我。

拍攝前一日落大雨，同事即刻問我地需唔需要改地方，要改既話佢地會配合而且唔洗收費，好貼心👍🏼。不過最後好好彩，拍攝當日好好天，我地影到好多相。Bobby真係好專業，每個地點都搵到好多唔同既背景影相，而且非常快就可以影曬一個地方，令我地可以去齊曬港九新界既景點影相，呢點做得幾好。我地唔識擺pose同表情，攝影師同化妝師既默契幫左我地好多。Bobby叫我地望左邊，但可能我地唔知望邊個角度，化妝師千千就會舉手/放低手指示我地要望既位，令我地好自然就影到想要既效果，佢地真係合作得好好🤩🤩。

佢地既package會比較划算，包左好多野，例如big day衫同晚裝無限任借，媽媽衫同褂都有，如果媽媽衫可以包多幾件就更好🤔。Package仲包左big day攝影，佢地既好處係可以安排返我地想要既攝影師俾我地，唔會求其assign 另一個攝影師俾我地。我地同Bobby 夾開就唔想轉第二個。不過我地係Big day前一個禮拜先通知佢地因為疫情所以改期，真係非常唔好意思。但Arlene Wedding既同事都願意配合，仲幫我hold住我揀左既裙，唔洗擔心其他人有無hold 左呢啲問題🙌🏽。

我地用左Arlene Wedding既pre wedding同big day攝影服務。我地睇過Arlene Wedding既作品，又同佢地既同事幾好傾，所以就揀左佢地去日本影pre wedding。一路溝通都覺得同事服務態度好好，佢地好親切，所以傾下傾下同佢地熟落左，所以影完pre wedding之後就自然搵埋Arlene Wedding做big day攝影。

我地係日本影個陣突然落雨，我地又無帶遮，所以同事攞件衫幫我地擋雨。化妝師Karman好貼心，big day個陣我喉嚨痛，佢就全日都係咁俾啲喉糖我食。跟住當日我又無啦啦流鼻血，Arlene Wedding既同事好緊張咁幫我止血。化妝方面我老婆好滿意，攝影方面我地都覺得唔錯。攝影師Bobby每影一張相都會指導我地，教我地擺pose，專業得黎又和藹可親。燈光師阿崔又係好好人，我好鍾意同佢相處🤪整體黎講影相既時候就好似同班朋友一齊影咁。

佢哋出租既衫幾靚，好睇過另一間婚攝公司🙈朋友都話Arlene Wedding比我地另一輯係台灣影質素高。揀相個陣又唔會好似其他公司咁hard sell我，攞相既時候Arlene Wedding仲俾左支木製心型既usb我地，好靚呀👍🏼👍🏼相簿既款式好好睇，big day個陣我地無預計會有咁多親戚朋友揭黎睇，仲個個都讚影得好😆。成個服務完左之後我地都有啲唔捨得，因為我地同Bobby,阿崔同Karman真係好似朋友咁相處，佢地對我地真係好好😛佢地既服務絕對值得呢個價錢！