我係喺expo睇到Arlene Wedding嘅，佢哋介紹得好詳細，同我哋好好傾，影相嘅風格係我哋鍾意嘅風格，所以最後就決定同佢哋去澳門影pre-wedding啦😆。

影之前我哋有溝通過想點樣影，我哋俾個目的地佢，佢哋就會幫我哋plan個行程同睇有咩景點，過程中都俾咗啲意見可以解決到我哋嘅問題，最後就一齊夾時間同路程去影🤓。之後去到澳門係全日拍攝，攝影師朝早嚟到，之後影到夜晚先走。影相嘅時候我哋初初唔識擺pose，攝影師會俾意見我哋要點影，舒緩下個氣氛，佢哋好nice好friendly，太太都好滿意。佢哋lunch同dinner仲有帶我哋去食佢哋覺得好食嘅舖頭，真係好好啊。

收返啲相覺得影出嚟已經唔錯，好多都唔洗點樣改，令到我哋喜出望外😍。我已經介紹咗Arlene Wedding俾其他朋友啦，因為佢哋有幾個攝影師，影相前會俾啲相我哋睇下啱唔啱心水，揀啱咗邊個風格就會安排嗰個攝影師俾我哋，所以咩風格佢哋都可以handle到，同埋價錢又合理🥳。佢哋成隊crew都好nice好合作，知道我哋有咩唔識或者緊張嘅話都會好樂意去幫我哋，好上心啊👍🏻。

係婚展接觸到Arlene Wedding，佢地做緊台灣pre wedding 既優惠，咁啱我又想去台灣影，所以就幫襯佢地。Arlene Wedding 既同事服務態度幾好，接待我地既Karman俾埋佢私人電話我地聯絡，感覺跟得足啲安心啲。影pre wedding前一晚攝影師會同我地傾一次攝影既流程。

我地影相個日有啲凍，影既時候助手好貼心咁攞住外套，係我地一影完就即刻幫我地披住，全程都好好服侍。同埋我因為有啲事所以要提早影pre wedding同搞big day, Arlene Wedding既同事即刻就幫我搵到檔期，仲夾埋攝影師同book到酒店，配合曬我地👍🏼👍🏼

因為我地比較急結婚，所以我地係Arlene Wedding租埋big day衫同化妝師。兩次化妝師都係Karman，佢全日都跟住我。除左化妝之外，Karman好貼心咁幫我間唔中整理衫裙，攞裙擺等等，完全超出佢本身負責既工作。佢見到我啲姊妹個頭亂左，個妝有啲花左會幫佢地執整下，呢啲係佢額外幫手既服務，照顧得好周到💓。

Big day既攝影師好風趣，會好生動咁教我地點擺pose，仲包辦埋大妗姐既角色，我地同幾個攝影師都有講有笑。事前我地夾流程既時候佢地又俾左好多意見我地，所以當日好順暢。

租衫方面，基本上你講得出既款式都可以係Arlene Wedding搵到，款式多之餘佢地仲俾我試到鍾意為止，唔會限試幾多件。幫我試衫既同事服務都係好周到，俾好多意見我，又會尊重我既意見，我同佢好好傾😬

因為我pre wedding同big day日子差唔遠，Arlene Wedding就好高效率咁幫我執曬啲相，好配合我地，又無另外收費，真係幾好👍🏼整體黎講，基本上Arlene Wedding盡量滿足曬我既要求，唔洗我煩咁多嘢😛