我係九展個陣發現Arlene Wedding呢間公司，當時係攝影師Bobby同我地介紹，佢攞左自己既作品俾我參考，我睇完之後就好坦白咁同佢講其他公司都有相似既packages，但係平過Arlene Wedding好多，Bobby都好直接咁話佢無可能做到咁平俾我，比較完如果都係覺得佢地既作品適合我既話歡迎隨時聯絡我。我因為佢既介紹一啲都唔hardsell 而對佢有好深既印象。之後我地再去鑽石山既婚展，又見到佢地公司，我真係好鍾意佢地既作品，所以最後都決定左揀Arlene Wedding呢間公司。佢地所有staff都好helpful,我要求好多野佢地都盡力滿足，又好快俾到答覆我，例如佢地一口答應我將褂既quota轉做婚紗。去英國影婚照之前佢地會做好多準備，例如化妝師提我染頭髮，影相之前唔好飲咁多水，佢地又會book返近我地酒店既住宿，所以影相當日好準時到。攝影過程非常愉快，去到我地想影既地方。本來淨係影10個鐘，但係最後overrun佢地都無另外收錢，好nice。同埋我地好想影既Big Ben個陣維修緊🥺，但係佢地竟然幫我p得返個Big Ben落張相度！仲要p得好真！😂😂呢件事真係令我好難忘同好滿意😂另外負責booking,租衫，雜項既Queenie 同 Carmen都好幫得手，啲野跟得好足又提我好多野。但係老實講係佢地度買曬啲相真係貴，本身兩萬幾蚊影輯相同包左50張相，但係因為我地實在太滿意啲相喇，所以決定要買曬，結果加左三萬幾蚊。我覺得佢地可以提供啲discount🤑，又或者可以加多少少錢買多啲相，提供多啲choice,而唔係一加就要加三萬蚊買曬所有相。MV出到黎效果都唔錯，但係同我鍾意既效果有少少出入。我expect條片會加入我同男朋友既對白，但係傾個陣佢地suggest唔加對白會好啲，我覺得有少少遺憾既，有得加返就更加好喇。但係出到黎效果真係唔錯，意境同氣氛做得好好。另外我覺得有個地方需要改善既係婚紗選擇少。我下個月就結婚，會係佢地租4套衫，但係我應該淨係揀得落兩件，淨返兩個quota就真係唔係幾揀得落，同埋因為咁所以我要另外搵公司租裙，呢點係比較令我困擾。但整體黎講，佢地既service, 態度,同埋影相修圖我都好滿意😌

我地去行婚展嗰陣其實都無咩目標，但係聽完Arlene Wedding嘅介紹，覺得佢哋都ok，又係一條龍服務，影曬Pre-wedding加Big Day，唔洗自己去搵咁多間公司，所以就揀咗佢地。🙂 除咗呢個package之外，我地仲另外加購咗個package，係有埋成長片段，早拍晚播同埋一段微電影既。我幾鍾意嗰條微電影，好特別。佢地會問我同另一半既相識過程同埋求婚過程係點，再幫我地度番一個故事，然後搵一日去我地相識既地點幫我地拍出黎。條片播出嗰陣都有好多人讚。👍🏼有啲賓客都想搵佢地拍翻段，Big Day過咗成兩個月都有同事仲記得我地條片既內容。😆 同埋佢地啲staff全部都好好人。可能有啲係台灣人就更加熱情，會好似朋友咁俾好多意見我。例如試衫個陣佢會建議我咩場合著啲咩會比較適合。Zoe幫我揀衫試衫好細心，見我唔識就幫埋我著內衣。😌 佢地又唔會好似出面其他婚紗鋪咁我試多幾件就黑面，反而會盡量滿足我要求，幫我搵一啲適合我既衫。👍🏼去台中影相嗰陣我都好滿意佢地個安排，除咗車程耐咗少少之外，佢地幫我地影到日落🌅，又影到星星🌠，都好靚架。😍 嗰朝我地起身化妝嗰陣，攝影師幫埋我地攞啲衫同裙去燙，我地完全無預計佢會幫我地咁做。😲 就連司機都好好人，會幫手買外賣同攞衫。👏🏼 Big Day嗰日幫我化妝既Karman都好好，佢跟得好足好貼。除咗建議我戴咩飾物，仲帶咗自己嗰啲俾我揀，又按我要求訂一啲頭飾俾我戴。🥰 攝影師Bobby影出黎既相感覺係好warm既，加埋另一位攝影師文浩會引我地笑，令到我地係張張相都係有笑容。😁 拍片既啊崔同Steven係剪片方面都好正，就算無經歷嗰個時刻，但係佢地剪既片都可以令你好似親歷其境咁。🤩 同埋我見佢地係Big Day嗰朝都會主動攞我既褂鞋同金器影相。唯獨係當日酒店既燈光唔太好，光線可能差少少，同埋嗰日天氣唔好，外影變咗影室內。😔 但係佢地已經好盡力咁幫我地係酒店入面搵一啲位，例如樓梯，鋼琴去幫我地影。😌 另外印象最深刻既係當日我想影一啲美女與野獸既style既相，但係酒店入面本身係無相關既公仔或者裝飾既，攝影師竟然搵到一盞吊燈，同埋叫我地擺一個pose，去幫我地影到嗰個感覺出黎。😍😍 真係好難忘，我老公過咗成兩個月都仲記得啊！😂