我哋去婚展嗰陣見到Arlene Wedding，睇過佢哋啲相覺得好中我嘅style，staff同攝影師Bobby詳細介紹返package，又會俾以前嘅拍攝作品我睇。因為我個人比較鍾意夢幻公主feel啲，而難得攝影師本人就係現場，可以俾我即場同佢傾下計，了解下啲拍攝細節，睇下做唔做到我想要嘅style，呢一點真係好好，亦都feel到佢係好有heart💯。了解過後，佢哋完全唔會hard sell我，反而會叫我可以考慮下先，唔會逼我即刻做決定，溝通嘅過程都好舒服🤗。

我覺得佢哋嘅Staff都好好，記得final fit嗰日，我覺得件禮服試咗上身唔係我想要嘅效果，staff都會即時根據我嘅要求幫我改返👍🏻，仲會俾好多意見我。而影相當日，化妝師都好有耐心，亦都好溫柔，做嘢都好快手😆。攝影師 Bobby就好funny，講嘢好好笑，仲會親自示範點樣擺pose。佢仲好細心，俾我哋自己帶道具去影，仲同我哋講想影乜效果同佢講返就OK，之後佢聽到我話想著旗袍，佢仲針對我嘅穿著去推薦地方俾我，好專業🥳。另外，我記得坐緊車嗰陣，突然見到側邊有個位覺得好靚，我好想影，Bobby見到時間都充裕，都即刻落車幫我哋影，大家相處得好愉快，好多互動，好似朋友咁，所以成個拍攝氣氛都好輕鬆，一個愉快嘅體驗😝。

我同未婚夫去行婚展嗰時見到Arlene Wedding，我哋自己本身冇咩做資料搜集，但見到佢哋啲職員都好熱情🔥，個booth又大大哋，所以就入咗去聽下佢哋介紹😏。 當日向我講解嘅職員叫Carman，我覺得佢都講解得清晰👍，同埋又唔會好似其他舖頭咁痴纏，所以揀咗佢哋一個街景同一個室內景嘅一條龍套餐🥰。

我去租衫當日，佢哋都就住我身型揀咗兩件婚紗比我試，其中一件好顯瘦同埋個設計唔會走光❤️，好適合影外景嗰日著，我一試完都覺得啱身，所以就好快決定到😍。佢哋嘅服務都令人舒服，我都幾滿意💯。 攝影當日見到化妝師，佢都係叫Carman。我影相嗰時係7月中天氣都比較熱，出外景個陣都比較大汗，佢都有不時幫我補妝，同埋會主動幫我抹汗😉。

攝影師好nice同好用心，例如出外景去到山頂度影嗰時，佢都會瞓曬喺度咁幫我哋影相😄。我哋當日仲帶咗隻大維尼公仔同氣球過去studio，我哋事前冇通知佢哋會帶公仔，佢哋都配合得好好👍。攝影師會叫我哋拋下氣球有啲互動，幫我哋影到個氣氛好開心🤣。可能我哋唔慣影相，有時佢教我哋擺啲pose未必做到嗰種效果出嚟，不過我覺得影出嚟嘅相都比預期靚🥰~