我份人比較懶做Research，眼見身邊有三四對朋友擺酒都係喺天澄閣，問返佢哋意見都話覺得服務、環境、食物質素都好好，一開始已經抱有信心🤩。

當時阿Ling嘅女仔負責同我哋介紹場地、細節、最低消費等等，我嗰陣帶埋長輩去，面對長輩嘅問題，Ling都回答得非常得體亦都好詳盡，達到長輩嘅要求。喺環境方面，天澄閣好闊落、樓底高同埋冇柱嘅特色，正正就係長輩鍾意你嘅開陽嘅感覺，因為硬件軟件都咁啱心水，都冇咩需要猶豫啦，就決定揀咗天澄閣。😁

決定咗喺佢哋度擺酒之後，跟我嘅同事就Terry負責。Terry有幾好，相信好多人有目共睹㗎啦。佢真係有問必答，就算新人有意見想同公司講，佢都會代為反映而且好快就會比到答覆我哋。😍Terry仲會好主動咁問新人有冇啲咩需要幫手，比到一種好安心嘅感覺我哋， Feel到佢唔係淨係Hea住份工來做，係好有熱誠嘅幫手。

大家都知道疫情擺酒幾麻煩，所以我都有同天澄閣嗰邊傾過關於疫情嘅措施，佢哋回答如果疫情上升導致冇辦法如期擺酒，延期的話係唔需要收手續費，已經俾咗好大嘅彈性新人。 好好彩最後我都可以如期舉行。🥳

當日人手非常之足夠，除咗每一檯都會有一至兩個職員Stand by之外，仲會有一個叫 阿Lu嘅女仔全程Take care我，會攞野比我食，又會教我點樣轉裙擺，甚至乎教埋我老公點樣揭頭紗先係最靚嘅。

我哋係食中菜，我聽有啲嘴刁嘅老人家都有讚話佢哋嘅食物質素好好😋。就係因為今次擺酒天澄閣幫咗好多忙，而食物質素又好好，所以我後來呢都會喺佢哋度幫襯買啲應節嘅食品，好似年糕月餅等等。👍

我19年已經開始搵場地，當時喺唔同嘅平台都見到有關於天澄閣嘅好評，不外乎話佢哋環境優美、食物質素好等等，後來我都考慮到地區嘅便利性，決定搵佢地。

😆天澄閣令到我滿意嘅地方係佢哋會包基本嘅場地佈置，咁我原本嘅budget就更加寬鬆。天澄閣屬於酒店嘅中菜廳，樓底高、冇柱，俾人嘅感覺非常開揚，好有高級感。喺硬件配套上佢哋嘅CP值已經非常高。👍🏼 喺軟件方面，天澄閣更加係冇得彈。

當初去場地問資料嘅時候，電梯一開門已經有同事好細心咁問我哋想查詢啲乜，知道我哋係想搵婚宴場地就即刻安排同事follow up。🥰😉即使follow嘅同事冇耐之後離職，但係都冇因為咁而成為左孤兒單，轉左另一位同事幫手。佢哋每一位同事，無論身處喺咩崗位都非常熱情。後來負責我哋嘅case嘅係Terry，佢係一個好有經驗嘅幫手。因為疫情嘅緣故我哋延期左四次，每當我好灰心、好徬徨嘅時候都係佢安慰我，亦都比多咗好多意見我哋，等我哋知道事情再嚴峻都好，總會有一個候補嘅plan。佢哋嘅同事可以話真係每一個都非常好，就算係幫我整音響嘅同事、廁所清潔嘅姐姐都好友善，帶比我賓至如歸嘅感覺。其實唔淨止我，當日參加婚宴嘅賓客事後都有同我講覺得佢哋嘅員工好好人，係服務至上嘅。我搞個婚禮最concern就係賓客嘅意見，都希望佢哋嚟參加婚禮係開心嘅。😎✨天澄閣係絕對滿足到我嘅需求。

除咗頭先講佢哋服務非常好之外，食物都唔錯㗎。我喺做資料蒐集嘅時候已經見到有新人推介佢哋嘅芒果紫米卷，當時冇抱有太大嘅期望，點知我事後食，就算係叮返熱都好好食。依個位又要讚一讚佢哋嘅貼心，天澄閣知道新人冇咩時間食嘢所以會預留一部份嘅餸菜打包號俾我哋，係婚禮完咗之後返屋企食。番叮都唔影響食物嘅質素可以睇得出如果係即場食嘅話應該真係好好味啦。😋

不過可能係而家疫情嘅關係每一檯都要分菜上，多咗個程序就令到食物容易啲變凍。🤓 我知道天澄閣係好緊貼疫情嘅policy時，亦都好為客人着想。所以同一檯佢會擺一啲實色嘅板，但反而阻隔左賓客嘅接觸，我自己就覺得如果透明板呢可能就會方便啲啦，至少賓客都可以望得到大家嘛。🙈不過我都好明白係疫情艱難時期，天澄閣已經比最大嘅彈性新人，都盡力去確保客人嘅安全，係值得讚嘅。😌