聽過朋友講天澄閣嘅食物質素、場地好好，無柱，樓底又好高、裝飾亦好靚！所以睇完個場後就揀咗佢哋👏🏼👏🏼 因為我哋係包場，所以可以行出去露天嘅地方，地方又夠大👍🏻 成個package包咗backdrop、candy corner等等，因為我哋包場多過31圍，所以會送多啲嘢，同可以用露天地方。 婚禮當日，佢哋傳菜嘅速度好快，食物嘅溫度啱啱好，服務好到啲賓客個個事後都讚，話侍應好貼心，食物啱啱好，好take care每個賓客，大家都好欣賞食物嘅質素，令佢哋好滿意😍！當日有一個staff負責全程跟住我，佢好細心，會提點下我，幫我執下件衫、儀容。佢哋仲送咗一晚住宿畀我😇因為佢哋係apartment，所以間房會有廚房、兩間房，比一般酒店更大，我自己加錢加多咗前一晚出門用，感覺幾好！

我地一開頭想搵個場係要樓底高，無柱嘅，又要啲野食一定要好食，因為我地都想啲賓客野食方面係滿意，所以就唔想去婚禮連鎖會煮好拎上黎個啲。我地有試過佢去飲呀各樣野，所以就揀返天澄閣。 Overall ok架佢食野 😋同我地聯絡嗰個人都follow 得好密，我地有咩問題whatsapp，佢都會答得好細緻！大家都知新人好多野想問，每諗起一樣野就會問，佢地都會盡量幫我地解決個問題同埋解答我地💪🏽咁Big day全程有個姐姐跟住個新娘嘅，佢都係好細心，照顧我地各樣野咁樣。我地擺嘅圍數都多，最後擺左33圍... 佢就話平時多數都係自己員工班底，多左圍數就會搵啲炒散～咁炒散個D人嘅information 可能無咁detailed，變左有時同客人答嘅野差少少囉，但係可能比起其他公司都已經係好ok架喇 ! Overall我啲朋友都話個場靚，同埋屋企親戚朋友個個都話好好食喎！雖然我地都無得點食, 但我好開心收到呢個feedback! 😎😎同埋我有啲朋友係食素菜嘅，咁我都安排左訂左個素菜餐俾佢地，跟足我地一樣都係8個course，比如我地食燕窩嘅時候，佢又食啲羹呀咁。佢地個個影俾我地睇，話個素菜好靚呀好好食呀😋 跟住連啲唔係食素嘅朋友都話早知食素喇🤣所以我地真係好滿意好開心呀！