我自己好中意天澄閣嘅環境，覺得佢哋都ok就決定喺度擺！我哋同佢哋同事大多數都係面談比較多，佢哋覆message都幾快，同事都好易相處，好樂意解答我哋嘅疑問，仲會俾啲建議我哋，成個溝通過程都好舒服，唔會尷尬。睇場嗰陣，個場裝修得好靚，環境好舒服，而且中間冇柱，成個空間嘅大細都適中，枱同枱之間唔會好迫，樣樣都係啱啱好😙。

Big Day大約一個星期前，同事就會同我哋傾吓啲rundown，夾吓要點編排，同事都會交代清楚我哋要點行入場，set嘢會用幾耐時間，好多細微嘢都會同我哋final confirm多一次嗰日嘅流程，咁我哋就可以提前有個心理準備。 當日所有嘢都好順利，基本上跟足我哋嘅rundown行，一啲delay都冇😜。

好多賓客都話環境好靚，服務質素好好，天澄閣嘢食都唔錯。😋我覺得天澄閣啲同事都好友善，會安排同事全程follow住新人，好幫得手，跟出跟入我太太，會提醒太太有啲乜嘢要準備，要飲啲水休息吓，會幫太太整理裙擺，照顧得我太太好好。天澄閣嘅同事都好有經驗，對於婚禮嘅流程非常熟悉，好多時都會主動提出啲意見俾新人，做嘢亦都好積極同埋好有效率 ！🤩 唔會話要新人踢一踢先會郁一郁。我非常滿意佢哋以客為先嘅服務態度！😝

天澄閣嘅會場我好中意，最吸我哋嘅係佢哋冇柱，又係長方形，屬於場地空間比較闊落，成個環境好靚，加上我都有上網搵過啲評語嚟睇，都話幾好，價錢又合理，所以對佢哋更加有信心。👍 去睇場嗰陣，就係店長接待我哋，我都feel到店長識得好多嘢，好多問題佢都可以即刻答到我。咁啱當時有新人book咗，所以啲同事就set緊啲嘢，店長都有帶我哋過去望一望，即場俾我哋睇實際場景，我哋都覺得好靚，成個setting都好舒服。我哋都有個概念知道我哋會點擺。

店長嘅服務非常好，就算佢day off 都會安排經理follow我哋，每次有嘢搵佢哋，同事都會好快答我，唔會因為我唔係under佢哋見到問題就推，每位同事都好老實，會企喺新人嘅角度去諗，好願意俾啲意見我哋，唔會好商業化，淨係同新人講錢，呢方面我覺得好好，令我覺得成條team都好有人情味。❤️ 我哋事前有傾過rundown，店長都幫我安排得好好，大概交代好我哋點行啲流程，就連bigday要點入場都會教我哋。

Bigday當日，天澄閣都會提早交場俾我哋可以setting好啲嘢，時間上都好充足，我哋都唔會覺得好趕。嗰日都會安排一位女同事跟住我，佢都好幫得手，會幫我記得好多嘢，跟住提醒返我，又會幫我攞住條裙，影相嗰陣又會幫我整理好條裙，仲會好有技巧咁俾啲指引我哋下一步要點做。至於食物方面，大部分賓客都話好好食❣️，連炒蔬菜都好好味，menu方面天澄閣都係提早安排好啲菜式俾我哋過目，每道菜上枱前都會俾新郎試吓嗰味先，確保冇問題先俾啲親戚朋友食，我覺得都幾好，又好重視新人嘅諗法。

成場婚禮都好順利，除咗Mic有少少問題，MC同新郎把聲都唔入麥，我唔知係唔係佢哋冇對好嘴嘅位置。其他嘢我都好滿意，尤其店長真係好好，好貼心，未到入場嗰陣，佢會攞好張凳俾我哋坐低先，我一話要飲水都會即刻攞俾我哋，反應好快，分擔咗我哋好多煩惱😚！