我哋行婚展嗰陣睇過好多酒店、酒樓，主要第一個考慮都係價錢，同埋因為我哋屋企都好傳統，所以揀咗個好日子之後變咗唔係真係淨返好多選擇。我哋大約揀咗一啲合適日子同價位嘅場地後，第二個階段就係睇場地。我哋都去過其他人嘅婚禮，都覺得大部分人啲場地、樓底都好矮，但係天澄閣個樓底就好高，又要無柱，又唔會三尖八角，變咗成個空間都會感覺好廣闊。同埋無論你企喺邊個位，都可以好清楚睇到成個環境，所以我哋都係好鍾意天澄閣個場地。

佢哋D staff同我傾嘢嗰時都解釋得好清楚，一開頭都係我哋兩個去見個Manager，無長輩跟住我哋，我哋都唔知有咩嘢要留意或concern返，但係佢哋都好好，講解得好好。有個位我哋都好欣賞嘅係佢哋會提返我哋以往新人好易出錯嘅地方，例如係佢哋個場地同其他嘅尺寸係唔同，所以佢都會提返我哋無論係用佢哋suggested，定係出面自己嘅decoration公司，一定要度清楚。佢哋真係千叮萬囑我哋，我哋都覺得佢哋係好細心！佢哋前期呢啲小提醒都令我哋做咗一啲微調，令到當日個流程更加smooth。

我太太當日都有一個Staff全程跟住，件衫唔啱位或者斟茶嗰陣會唔會「烏」得太低小心走光之類，佢都會提我哋。同埋佢一有少少空檔，就會攞嘢俾我哋食，或者俾杯水我哋飲，真係好細心，好多好嘅提示！

我哋都有聽返賓客D feedback話食物嘅份量、overall流程同埋職員嘅態度所有嘢都係好好。唯一聽返嚟覺得可以改善嘅小comment就係，我哋比較多親友係喺外國返嚟或者係內地嚟，都想打吓卡，點知酒店就無wifi提供～u3000不過除咗呢樣嘢，佢哋全部嘢，我哋都好滿意！而且當日佢哋職員同客人嘅人數比例好高，唔會話要A叫B，再搵C，而係好易同好快就會有人幫到你。

之前都有D朋友用過天澄閣，我地都覺得幾好，所以我地第一間就係上佢地度睇👀。

佢個場地好靚，首先樓底好高，而家喺香港已經係好罕見，同埋中間完全無柱位，而且係長方形，好適合擺酒。傾嘅時候亦都感覺到佢地嘅staff好專業，整個解釋都好詳細同清楚，而且唔會係咁push係咁sell，所以感覺都好好，就即刻決定咗揀佢地。我地最後擺咗廿七圍，空間都係好足夠👌🏻。

當日啲賓客都有話D食物好好食😋，好似係唯獨係個翅話有D淡，無咩味。另外，客人都話佢地service好好，有讚佢地，特別係跟我地嗰位Manager - Terry Lo，佢服務真係好好👍🏻👍🏻👍🏻！好多時候我地都係office hour以外搵佢，但係佢好多時都會即時覆，就算佢覆唔到，都會講低幾時會覆返我地，幾時會check到，都會講一聲俾我地聽，好有交帶，所以我地整體都係好滿意🤗！