天澄閣啲服務真係冇得頂💯，任何嘅嘢都prepare得好好，我去到乜嘢都唔需要擔心😉。當初我有個朋友喺嗰度擺酒，我就跟埋佢。因為朋友話嗰度樓底高、正正方方、冇柱又有夠大嘅LED屏幕，而且服務仲好好👍。 咁睇場嘅時候，我就WhatsApp聯絡咗Terry，佢周圍介紹嘢俾我哋睇。我哋每次有嘢搵佢，佢都可以秒回，甚至有啲唔關天澄閣，唔關擺酒事嘅，佢都好願意回答我哋😍。佢仲會講D自己知道嘅discount優惠呀～🙊。

係婚禮當日，所有嘢都好順利😆，由證婚到送客所有嘢都係on time。例如我哋本身係預8:30上到第一道菜，而我哋嗰日係8:30已經上晒第一道菜，因為Terry都俾咗唔少嘅意見我哋🤩。Rundown有俾Terry睇過，佢就佢嘅經驗俾咗時間控制嘅comment我哋，會提醒我哋應該幾時嚟到、set嘢會用幾耐時間、證婚應該幾點開始幾點完，佢都有寫低等我哋可以跟返，佢真係好幫得手💪🏻，而且回覆都好快，令我哋嘅婚禮可以如時進行到💯。

天澄閣嘅人都好好❤️。音樂同播片方面，即使我哋有遲咗俾佢，佢都OK，基本上我哋任何時間上去搵佢、去check嘢，甚至係唔夠酒同圍數問題去搵啲職員，佢哋都好樂於解答😆。而且天澄閣仲安排咗Lu同我跟出跟入，佢真係特別好，好幫得手🥰。我一開始入去嘅時候佢已經同我講定我有啲乜嘢要準備。而且係我好忙、冇時間飲水嘅時候，佢會比杯暖水同埋一支飲管我去飲，等我啲唇膏唔會甩😆。而且佢知道我緊張，會問我使唔使食啲嘢、飲啲水，安撫我嘅情緒。😍當我要行上台嘅時候，佢會同我講一切有佢可以放心❤️，唔使理裙擺、唔好低頭之類，令我上台可以好好睇睇😚。好多細微位佢都照顧得我好好。而且婚禮嘅時候我要做啲咩、爸爸要做啲咩、老公要做啲咩佢都同我哋rehearsal咗一次，令到我成個婚禮都run得都好smooth🥰。

另外，天澄閣嘢食都幾好食，我喺婚禮有食到佢嘅魚翅同埋蟹鉗，都幾好食，親戚都反映天澄閣嘅嘢食唔錯😊，而且上菜速度正常。仲有樣不得不提嘅係天澄閣嘅職員應變能力速度好快🤩。當日我哋想有間房可以影相，佢都可以做到呢樣嘢，將間房由麻雀枱變咗做我哋臨時嘅拍攝房間，影完又即刻將間房變返做麻雀房俾我啲親朋戚友打麻雀🤣，甚至我哋想早啲度去嗰邊化定妝先或者擺定啲嘢先，天澄閣都OK🥰，俾我哋入去。 我係可以feel到天澄閣嘅服務態度係以客為先嘅😊，令我成個婚禮都可以完美咁進行❤️。

其實天澄閣嘅食物同職員嘅質素都唔錯，環境都幾好👍。當初係網上知道天澄閣，同景逸軒對比下最終都係選擇咗天澄閣，因為我同老公覺得嗰度樓底高舒服啲😁。咁一開始係Candy follow我哋，但後尾轉咗係Terry 帶我哋睇場，Terry都好Nice同盡責㗎😉。有一次我哋半夜whatsapp佢，佢都會好快打電話返嚟同我哋講，了解我哋有啲咩疑問😍。

到咗婚禮嗰日，由於我哋都有20圍，本身rundown都有啲delay，影大合照嘅時候，仲有啲擔心會唔夠時間。但天澄閣嘅職員有幫手排凳，令我哋大合照嘅時間充裕返😍。天澄閣仲安排一個跟出跟入嘅Staff，佢會幫手整裙、跟我條裙，因為我成日俾裙絆倒🙈。 但有啲可惜嘅位係當日大合照嘅時候，有一班朋友冇一齊影到，因為聽唔到MC話最尾可以出嚟影相，可能係音響問題，或者MC表達得唔夠簡短同清晰，又或者係佢哋坐喺後面聽唔到啦，所以我都係會覺得少許遺憾，如果MC可以簡短啲表達叫賓客出嚟影大合照就更加好了 😉。不過，其實天澄閣嘅package包MC，而呢位MC又有早半個鐘嚟，佢都有喺婚禮中途幫我追好多時間嘅😍！ 

至於天澄閣嘅食物味道都OK㗎，我之後有問返大家，大家都話好食😋！有少部份賓客覺得如果翅可以稍為調味，少啲鹽就更加好啦😂。有朋友同我反映佢哋兩個喺度傾偈嘅時候，有個侍應忽然將一張凳擺喺佢哋兩個中間，同侍應好心想提醒我嘅朋友唔好坐喺主人家嗰枱，但係佢嘅表達方式令我嘅朋友有少少尷尬，如果佢嘅表達方式再好啲就更加好啦。 咁成個婚禮整體來講都順利㗎😁，只係有少少遺憾係大合照嘅時候唔可以同所有人都影晒相。不過天澄閣安排嘅人手同埋嘢食嘅味道都幾好💯。