因為親戚朋友喺天澄閣到擺過酒，我都去過嗰到，覺得佢哋都幾好，所以就揀咗天澄閣😆！

佢哋嘅態度非常好， 場地幾好，因為係冇柱！當日仲有個女同事就全日跟住我太太😙。因為我哋本身擇左日子， 傾計嘅時候就講起時辰嘅問題，店長terry對呢方面都略懂一二，所以就幫我哋睇下通勝，令我哋了解得多啲🥰。 有啲我哋冇諗到嘅問題佢都會提及到，所以佢哋都解答到我哋好多疑慮，食物質素都好好🥳。我哋有幾圍都想要威士忌，我都有叫天澄閣安排下，佢哋好細心，都有記得我哋嘅要求💯。

成個過程都好順利同滿意，而且同事都好貼心，同佢哋相處得好愉快， 所以之後我都介紹咗天澄閣比另外一個朋友👍！