LA-VIE Photography
4.8
最新評語
整體滿意度
4.8
過濾評語:
Lisa
4.5
精選評論
我地去左日本影,因為想影櫻花,所以就揀左間日本公司,而LA-Vie 係一間好大嘅日本影樓。 我地之前都去左京都影過和服,今次想影櫻花就去東京同富士山🗻。我地都有係網上睇下唔同攝影公司影啲相靚唔靚,亦刻意搵番有櫻花嘅pre wedding婚紗相,睇啱左攝影師之後,就再睇下佢belongs to邊間公司,咁我地就搵到呢間公…

我地去左日本影,因為想影櫻花,所以就揀左間日本公司,而LA-Vie 係一間好大嘅日本影樓。 我地之前都去左京都影過和服,今次想影櫻花就去東京同富士山🗻。我地都有係網上睇下唔同攝影公司影啲相靚唔靚,亦刻意搵番有櫻花嘅pre wedding婚紗相,睇啱左攝影師之後,就再睇下佢belongs to邊間公司,咁我地就搵到呢間公司喇。一開始我地上網睇左價錢,知道佢地有參加婚展,咁我地就係婚展度同佢地傾。嗰時由日本人開嘅日本攝影公司有兩間,所以我地就係婚展同呢兩間傾。傾落覺得呢間專業好多,另一間嘅sales就麻麻地。兩間比較過,La-Vie 雖然貴啲,但因為另一間冇主動幫我地,好似要等我地問先答咁,所以我地都係揀左La-Vie。佢地日本人嘅服務好好,包我一套婚紗同一套晚裝,而我老公就有一套西裝。因為我老公身型比較大,日本嗰邊冇啱佢嘅size,佢地就話我地知佢地同香港一間婚紗公司都有合作,嗰度都有男裝,我地可以去試身,睇下有冇啱我老公size嗰啲西裝。我老公去試左之後,發現有好多款佢都鍾意但係個size唔啱。嗰間婚紗公司好好,話嗰個款佢著得幾靚,建議造一套俾佢,呢樣嘢都幾OK。😎 嗰日影相好順利,佢地啲服務好好。一架保姆車有攝影師、攝影師助手、化妝師,仲有個翻譯,同埋自己嘅司機。佢地都算係高質素嘅,雖然一開始影出嚟俾你睇嘅嗰啲相唔係特別靚,但之後幫你執相就真係執得好好。佢地公司有一套standard,你想執邊到,執多執少都可以揀。你有咩要求都可以寫清楚俾佢地,佢地會send兩次相俾你,免費執兩次。團隊態度非常好,日本人服務都係好好嘅。最後佢地送左一本相簿加一張油畫。油畫同相簿應該都係香港做嘅,同日本公司嗰邊無乜關係,但張油畫我地第一次睇就發現有色差,我老公就話接受唔到,就叫佢地重新做。不過佢地態度都好好,嗰時離我地big day仲有一兩個禮拜,佢地都係我地big day之前重新幫我地整過一張,而嗰張就滿意嘅。😁

攝影
lamwwy
4.5
精選評論
一直以來都好鐘意日本,之前又試過去日本留學,一直都好想響日本影pre-wedding,而且我地預咗2016年3月尾去影,想影埋櫻花,最後搵到呢間。同我地接洽嘅Sales係台灣人Mike,其實未去婚展前我都響網站上同佢keep contact,佢一直都跟得好足,例如會主動問我地想去日本邊到,同埋想要一啲咩感覺嘅相。

我…
一直以來都好鐘意日本,之前又試過去日本留學,一直都好想響日本影pre-wedding,而且我地預咗2016年3月尾去影,想影埋櫻花,最後搵到呢間。同我地接洽嘅Sales係台灣人Mike,其實未去婚展前我都響網站上同佢keep contact,佢一直都跟得好足,例如會主動問我地想去日本邊到,同埋想要一啲咩感覺嘅相。 我本身想去京都一啲古色古香嘅地方,Mike都有同我地建議,話3月係當地嘅旅遊旺季,遊人會較多,而且京都嘅路相對較窄,拍車較難,再加上佢地有向我地展示一啲樣本相,見到大阪同奈良都有同我心目中風格相近嘅地方,去到奈良仲可以同鹿合照,所以就轉咗去大阪同奈良。 佢地公司其實仲提供日本唔同地方,我地就想去關西地區,客人揀咗地點之後佢地就會幫客人安排行程,除咗大阪同奈良兩個公園,佢地仲安排咗我地去奈良若草山上影黃昏,當然佢地都會提出建議,點樣安排行程最順路。我地揀咗去大阪一個冇咁出名嘅公園入邊影,入面仲有間和室添! 我地買嘅Package包咗一套和服同一套西服,分別上下午拍攝,風格亦都唔同,之後仲on top加咗夜景拍攝服務,所以可以揀攝影師。我地揀咗Hayato san,佢嘅風格較溫馨同warm,好鐘意。雖然攝影師係日本人,翻譯就係講英文,但因為我識少少日文,同埋佢嘅指示都好清晣,拍攝過程都算順利。而且攝影師為咗要攞個靚啲嘅角度,都唔介意爬落去湖入面啲石上面攞景。其實出發前我地已經講好哂我地嘅要求,例如老公想扮武士,佢地都安排好道具,完全影到我地心目中嘅風格出嚟。 拍攝有少許阻滯,主要係因為塞車,但無阻拍攝進度,為咗趕進度佢地都冇休息到,仲主動話可以再繼續拍,補咗啲其他shot,最後佢地嘅工作時數比預計多咗一個多小時添,而且仲執生能力高,因為當日去到我地發現櫻花唔算開得好靚,攝影師即時就地取材要我地轉做撐船,個效果都唔錯! 不過可能因為風格問題,本身想佢幫我執個下巴尖啲,但最後執出嚟好奇怪咁,好在影嘅時候啲相打燈靚,角度自然,所以最後都係唔執,反而仲滿意。 另外我覺得影相時間再長啲會好啲,可以再影多啲,咁就可以多啲相揀。當日我地個午飯時間太長,響大阪個office換完妝再食飯,休息咗一陣先出發去奈良,結果去到奈良已經3點,雖然啲相都影到我地要求,working hour又比預算長咗,但休息時間太長,換完衫就響間店到呆坐,浪費咗啲時間。
Prewedding婚紗攝影
聯絡資料
    店舖地址
  • N/A
shanghai@la-viephoto.cn
更多優質選項
攝影
4.6
攝影
4.1
攝影
4.8
攝影
4
最新優惠
聯絡商戶