一開始我無諗過要幫襯Monalisa, 但係幫襯完就發覺比想像中好太多，由揀婚紗去到拍攝、揀相我都好滿意🤩。

佢地既同事好有耐性，我成日都打電話問呢樣問個樣，佢地都好有耐性同專業咁答我。負責我地既Suki跟進得好好，我地因為疫情，婚禮可能會延期唔止一次，Suki都好樂意幫我地處理，呢點我老公都好appreciate👍🏼。

Pre-wedding既化妝師我又係好滿意，一開頭我擔心個妝會好老套，但係最後個妝連我老公同工人都好滿意。

攝影哥哥嘉豪好專業，全程都教曬我地點擺pose。我本身唔係好識笑既人，但係成個過程都覺得好relax。我地帶埋狗狗去影相，攝影哥哥都識得捕捉佢既神情，我屋企人睇完都覺得好滿意。嘉豪係好後生既攝影師，我地完全估唔到佢可以影得咁好咁專業，輯相真係好滿意🥳。尤其係我本身唔識笑佢都將我影得好好。我地個日由朝早10點幾影到夜晚7、8點，佢都無表現到好攰，夜晚仲教緊我地點樣擺pose。有時係我地覺得影夠😂，但係嘉豪都會堅持幫我地影到最好，希望我地揀到多啲靚相。

幫我地揀衫既阿Ling又係俾左好多意見我，我有啲位置想遮住，佢好清楚我既要求，唔洗我解釋已經攞到我鍾意既款，同埋佢又係好有耐性。雖然我係有加錢upgrade啲裙，但係純粹係因為我自己鍾意保守既款多啲，Monalisa 既同事完全無push過我去upgrade🤪。

Monalisa真係全部同事都好好，我之後都有同朋友講返，其實婚展搵既公司無想像中咁差😝。

我有朋友兩年前用過Monalisa既Big Day攝影服務，個陣我做姊妹已經覺得佢地服務幾好，加上我地係婚展揀攝影公司既時候，見到Monalisa既booth就係入口，好搶眼，所以直接就揀左呢間。

接待我地既Suki唔會好hard sell,佢好清晰咁解答到我地既問題。我地個陣最concern既嘢係價錢，Suki了解我地需要之後，將package入面既一啲項目改左，符合返我地budget，真係好friendly👏🏼。

Pre wedding當日整體好順利唔辛苦，反而係攝影師阿Will成日擒上擒落幫我地影相,搵靚角度搵到大汗淋漓仲辛苦，又無話成日要休息。佢又會引我地笑，教我地擺pose，令到無咩攝影經驗既我地都影到唔錯既效果🤩攝影助手都好稱職，成日幫我整理好裙尾。

化妝師Ling Wong都係好細心，set頭又快又啱我心意，所以我Big Day 都搵返佢幫我化妝。我係事前無同佢講過想要咩款式既妝髮，佢就俾好多頭飾出黎俾我揀。就算我揀到啱心水既款Ling Wong都會俾再多啲款式我試，一啲都唔求其，工作態度好好。一開始Big Day我係book唔到Ling Wong架，佢地安排左另一個化妝師俾我，但係我試妝後覺得一般。我同Suki反映左，佢即刻就幫我處理，就算距離Big day得返兩個月佢地都肯幫我轉返Ling Wong化妝,服務幾好👍🏼