麗豪酒店
Regal Riverside Hotel
4.4
香港沙田大涌橋路34-36號
2132 1178 / 2132 1008
關於 麗豪酒店

位於新界沙田的麗豪酒店設有10個婚宴場地,當中包括無柱式禮堂設計的「麗豪廳」及「聚賢廳」,可筵開38席;露天泳池旁的「紫荊廳」及「戶外庭園」證婚場地,是舉行池畔婚宴最佳之選適合;設有多功能廳房及完善配套的「富豪坊」及「龍門客棧」,最為適合舉辦中小型中式傳統囍宴。麗豪酒店為滿足每對準新人不同需求,致力提供一站式多元化的婚宴服務。

中式婚宴
西式婚宴
證婚典禮
中式婚宴
西式婚宴
證婚典禮
套餐詳情
[宴會廳]婚宴菜譜
證婚優惠套餐 及[餐廳]婚宴菜譜
囍結良緣全包宴
最新評論
整體滿意度
4.4
過濾評語:
Li
5
精選評論
服務 / 婚宴日期: 2018.11.24      
我地最主要係睇地點,因為麗豪酒店喺城門河畔嗰邊,係我同我老婆相識嘅地方,同埋因為我地教堂都係城門河畔嗰度行禮 😌 我地都有再睇下其他,開頭都有比較過,主要係睇佢地個服務態度,同埋俾唔俾到我地想要嘅野。了解後都覺得麗豪解釋清楚,之後都覺得佢地D野真係跟得好足,好似開頭我地覺得酒店燈罩顏色唔係幾好,問佢地可唔可以換,咁佢地…

我地最主要係睇地點,因為麗豪酒店喺城門河畔嗰邊,係我同我老婆相識嘅地方,同埋因為我地教堂都係城門河畔嗰度行禮 😌 我地都有再睇下其他,開頭都有比較過,主要係睇佢地個服務態度,同埋俾唔俾到我地想要嘅野。了解後都覺得麗豪解釋清楚,之後都覺得佢地D野真係跟得好足,好似開頭我地覺得酒店燈罩顏色唔係幾好,問佢地可唔可以換,咁佢地都會符合返我地要求,幫我地換返。另外負責跟我地嗰個wedding planner,我地都好唔好意思,因為有時佢放緊假都會覆我地D情況,個狀態去到邊,又或者會提醒我地幾時要俾咩野等等,所以我覺得呢方面佢都係做得好體貼👍🏻 

場地方面大家都覺得ok,佢地幫我地排位都排得唔錯,因為佢地都有俾建議我地點樣排位,或者點樣擺會好D呀,所以出到黎係ok,賓客都滿意整體個安排。我地擺左20-21圍,個場地都好夠空間,岩岩好足夠。同埋我地都有個photo booth位置,佢都會提供個合適嘅地方,一個充足嘅空間比我地。另外要讚係佢地個前菜,banquet開始前嘅小食,D人都覺得係好味架😋當日音響呀燈光嗰D全部都好配合到我地,同埋我地都有搵人過黎做佈置喇,佢地都配合到,願意搵人去幫手,令到個佈置同我地想要嘅效果都可以發揮到。另外一個細心嘅地方係個waiter都會過去問D賓客D野食夠唔夠熱咁樣,D人話想熱D,出黎D餸真係熱左好多!呢個平時係唔會咁做,但係佢真係問完會實行返,而唔係問完就算咁樣,我覺得呢樣野係好重要😎

我覺得佢地嗰日成個流程同服務都係perfect,唯一要挑剔嘅就係硬件。佢樓底比較矮小小,如果高返一兩尺,個效果應該已經會好唔同,特別係影相效果。另外就係可以多幾間獨立洗手間就更好,譬如新娘房,會多間獨立洗手間就更加好😗 係真係得D硬件可以再進步,

係結婚裡面用過咁多間公司,呢間嘅服務都係真係好深刻!唐小姐服務唔係普通一個同你做生意咁樣嘅態度,係好貼心咁由心出發去跟個客,睇個客需要係D咩,我覺得呢樣野係無咩人可以做到 👏🏼佢即時個處理同回覆都係好好...有樣野我地都有D唔好意思,係我地突然之間改酒席排位,完全唔關佢事,佢都話唔緊要,即刻做,即刻幫我地改咁樣,竟然漏夜同我地排埋酒席!嗰日其實都有好多突發事情,但係佢都會願意配合。同埋我係年半前就訂,我同佢都work左成年,咁佢係整個過程到都會好close,好貼心咁跟進返個進度,又譬如有D位佢可以同我地慳錢,佢係俾左好多好有用嘅建議。對於我地黎講,佢提供服務係真係好細心同埋好貼心。如果講服務5*滿分,佢地都真係5*滿分架!

婚禮及婚宴場地
zoeikarus
4.5
精選評論
服務 / 婚宴日期: 2018.11.30      
我哋一開頭都係諗住搵旺區,尖沙咀個啲,但係都好似未係好啱,一係就價錢唔太啱,一係就個場地唔太靚,所以都無揀到啱,就去婚展睇。去到婚展,就見到麗豪酒店,因為我哋兩個本身都係住沙田區,所以就過去睇下,咁就認識咗Phoebe,佢介紹啲package 同埋餐單,都係好吸引㗎!同埋又係酒店,感覺就係可靠啲,咁同埋價錢都係算平。…

我哋一開頭都係諗住搵旺區,尖沙咀個啲,但係都好似未係好啱,一係就價錢唔太啱,一係就個場地唔太靚,所以都無揀到啱,就去婚展睇。去到婚展,就見到麗豪酒店,因為我哋兩個本身都係住沙田區,所以就過去睇下,咁就認識咗Phoebe,佢介紹啲package 同埋餐單,都係好吸引㗎!同埋又係酒店,感覺就係可靠啲,咁同埋價錢都係算平。

我哋本身想搵都係樓底要高,我哋開頭諗住擺35圍,所以要嘅空間都大,同埋唔想同人share嘅。我哋之後就去咗麗豪度睇,而佢哋個樓底都係好高,同埋個空間感都係偏多,同埋覺得佢嘅菜色真係同出面無得比,地點又咁近我哋兩個,菜色又咁好,所以我哋都好快就決定咗揀佢哋。 Phoebe 係非常細心,佢真係會俾好多advice我哋,又會話,你哋都住咁近,如果有時間就係沙田到行埋個大運喇。同埋餐單上本身有啲嘢係fixed咗,佢又會俾建議我哋,揀啲咩會體面啲、大體啲。佢都有俾佢contact我,基本上一日內,佢都會俾到個答覆我,仲要係好詳細嘅! 中間我哋有時都係不斷有變動,同埋決定唔到嘅位......因為我哋想用兩邊通道march-in。如果擺33圍就會短啲,32圍就會長啲,我又想行長啲,但又想擺33圍。係呢啲位裡面,佢都會俾返建議我哋,照擺返32圍,加多啲位係某幾圍度,就會成個場空間感大啲,唔會得失啲長輩。好多嘢都係度呢度去時,佢都會幫我哋諗好。

到咗當日,佢都有落呢睇個場,有跟下,好盡心💖。同埋當日啲服務生都係好好,好醒目👍🏻✨。 我哋都有問返啲賓客嘅feedback,佢哋都話雖然麗豪就唔係新㗎喇,外牆就唔太討好,但係入到去所有嘢都好好,佢哋都好正面。 同埋我覺得啲嘢食同出面真係有分別嘅,之前係出面食個啲又好細碟同埋啲嘢食都真係唔掂㗎!但係我食過個啲嘢食都係熱騰騰咁樣上,我哋打包咗啲嘢食,個翅都真係好好食😋,同普通個啲都真係好唔同🤗。

婚禮及婚宴場地
聯絡資料
2132 1178 / 2132 1008
pra@regalfnb.com
最新優惠
聯絡商戶