麗豪酒店
Regal Riverside Hotel
4.3
香港沙田大涌橋路34-36號
2132 1181 / 2132 1008
關於 麗豪酒店

位於新界沙田的麗豪酒店設有10個婚宴場地,當中包括無柱式禮堂設計的「麗豪廳」及「聚賢廳」,可筵開38席;露天泳池旁的「紫荊廳」及「戶外庭園」證婚場地,是舉行池畔婚宴最佳之選適合;設有多功能廳房及完善配套的「富豪坊」及「龍門客棧」,最為適合舉辦中小型中式傳統囍宴。麗豪酒店為滿足每對準新人不同需求,致力提供一站式多元化的婚宴服務。



中式婚宴
西式婚宴
證婚典禮
中式婚宴
西式婚宴
證婚典禮
套餐詳情
「簡約•美滿」全包囍宴
幸福美滿全包宴
富麗豪華全包宴
最新評論
整體滿意度
4.3
過濾評語:
kwok_902
4
精選評論
知道麗豪酒店係因為之前我有啲朋友都喺嗰度擺過酒,但我本身first priority唔係揀佢哋嘅,係因為本身落咗訂嗰間場地出咗啲意外,所以就即刻睇麗豪11月有無位,好好彩佢哋都有😆。但係真係好趕,係婚期前兩個禮拜內嘅事,我係通過麗豪嘅網站send email聯絡佢哋嘅,佢哋都好快俾咗feedback我。同我對接嘅sal…

知道麗豪酒店係因為之前我有啲朋友都喺嗰度擺過酒,但我本身first priority唔係揀佢哋嘅,係因為本身落咗訂嗰間場地出咗啲意外,所以就即刻睇麗豪11月有無位,好好彩佢哋都有😆。但係真係好趕,係婚期前兩個禮拜內嘅事,我係通過麗豪嘅網站send email聯絡佢哋嘅,佢哋都好快俾咗feedback我。同我對接嘅sales Phoebe都做得好好,因為佢知道我嘅情況,好多嘢都幫我好urgent咁做,俾咗好多意見我。因為婚期太近,我好多嘢例如酒店嗰啲都已經book好晒,本身嗰個package會送相同嘅嘢,Phoebe都有諗到我哋應該已經book咗,就主動offer轉其他嘢俾我哋,同埋包咗嘅三架車佢都會幫我哋諗好啲上車時間,真係好多嘢都好上心,我都好放心交俾佢😊。我哋係喺whatsapp聯絡嘅,因為我有啲嘢好趕急咁去做,咁佢都會覆得好快,就算佢放假都會有其他同事幫手,follow得好好。我有啲物資都可以提早放喺佢嗰度先,咁我啲時間就可以靈活好多啦。我哋係搞晚宴嘅,嗰晚會有個staff貼身跟住我嘅,每個親友有唔同嘅要求,佢都會即刻幫我解決啲問題。我有同佢講個rundown好急,因為我想快啲完俾啲賓客離開,佢都好幫手。譬如喺我家族七十幾人影大合照嘅時候,等得耐大家都有少少鼓噪,咁佢都會用佢嘅方法安撫返佢哋,幫我哋排好晒位,希望我哋可以儘快完成。唯一不足嘅地方就係佢哋嘅門面會舊少少,如果裝修下就更加好啦🙈。我覺得唔知自己要做啲咩嘅新人就最適合佢哋啦,因為佢哋follow up得好好,會俾好多意見,package送嘅嘢包括車同蛋糕都係好啱用嘅。雖然佢哋唔算係喺港鐵站沿線,但佢哋都會依照圍數送旅遊巴,喺開席或者結束嘅時候接送賓客,都解決咗佢哋自己嘅缺點啦👍🏻。

婚禮及婚宴場地
Chan
4.5
精選評論
我同先生都係想揀酒店做婚宴場地嘅,想搵間價錢相宜嘅酒店,同埋睇咗地點,因為我哋一個住屯門一個住上水,就揀咗個中間點喺沙田啦。咁我哋搵咗沙田嘅幾間酒店,得麗豪酒店做到我哋想要嘅廿零圍,其他酒店都淨係做到十零圍。我哋係11月擺酒,係2月落咗訂到11月期間佢都約咗我哋見三次面,每一次係傾唔同嘢嘅,最接近婚期嗰次佢哋係直頭幫我…

我同先生都係想揀酒店做婚宴場地嘅,想搵間價錢相宜嘅酒店,同埋睇咗地點,因為我哋一個住屯門一個住上水,就揀咗個中間點喺沙田啦。咁我哋搵咗沙田嘅幾間酒店,得麗豪酒店做到我哋想要嘅廿零圍,其他酒店都淨係做到十零圍。我哋係11月擺酒,係2月落咗訂到11月期間佢都約咗我哋見三次面,每一次係傾唔同嘢嘅,最接近婚期嗰次佢哋係直頭幫我哋諗埋成個流程,幫我哋安排好幾點要轉場同切蛋糕嗰啲。因為我哋唔係好熟悉,又無咩參考,咁佢哋都俾咗啲建議我哋,我哋都接受咗,都覺得幾有用👍🏻。去到婚宴當晚,因為我哋比較遲,七點幾先證婚,又想早啲開席,部長都好就得我哋嘅要求,俾建議我哋改兩次進場做一次,最後就可以八點正式開席。同埋當晚餸菜都上得好快,有足夠時間俾大家食到又唔會隔太耐,賓客都有讚啲嘢食好食😆。最後走嘅時候酒店都有安排旅遊巴送我哋,都唔洗我哋擔心。不過約見嘅三次係佢哋俾期我,就話大概幾多月就去搵佢哋,都係要我去主動聯絡,佢哋就好少聯絡我。我用e-mail搵佢哋,佢哋都會即日覆返我,之後仲有俾公司嘅whatsapp我,就更加方便搵到佢哋,但係如果佢哋可以改善下,主動聯絡我同我講邊日去見面就更加好啦🙈。

婚禮及婚宴場地
聯絡資料
2132 1181 / 2132 1008
pra@regalfnb.com
最新優惠
聯絡商戶