我有朋友喺Tiffany做所以有折，我哋去咗太古廣場度買。我本身都覺得佢哋嘅鑽石靚，因為我嘅求婚戒指都係佢哋嘅signature款，覺得佢哋質素真係好。其實我哋都試過唔同品牌，不過最後都揀返Tiffany，因為覺得佢哋設計同質素都幾好。 朋友都好細心係幫我哋度過真係最fit嘅size，因為我嘅手指係幼啲細啲嘅，所以舖頭當時都冇我size嘅戒指可以試，佢哋真係搵啲工具幫我試到最準，因為我都想試清楚啲，始終之後會成日戴住。我嘅朋友都好資深，都做咗十幾廿年。同埋成個過程都好似傾計咁，好親切嘅感覺，好似屋企人咁，完全唔係sell緊你。

因為婚戒都諗住戴好耐，所以都想搵自己鐘意嘅brand。嗰時我去咗IFC嗰間Tiffany，由Cherry serve我哋，佢好有耐性同好有禮貌，後來我哋做咗朋友仲交換咗whatsapp，不過好可惜佢宜家已經無喺嗰度做喇！ 揀戒指嘅時候，佢有介紹返我哋邊啲款可以last得耐啲，或者邊啲款係第時隻手肥咗都可以調較。另外，佢仲有講俾得哋聽如果求婚戒指同結婚戒指都戴的話，咩款會夾得靚啲。佢俾咗好多款我哋試，同埋嗰時咁啱有promotion就請咗個artist幫我哋諗吓設計。 整體嚟講嗰次服務體驗好好，不過我個人就覺得係間間分店staff唔同，同埋香港款式相對美國嗰邊真係少好多。