上Tanarak嗰website就已經覺得佢啲相好靚，而一見面就覺得大家都好match。都想提就係Tanarak係外國人，而佢既攝影風格同我哋平時見嗰啲好唔同，因為我哋好想真正享受婚禮既每一刻而唔想好刻意咁為攝影師去擺一啲pose。都明白佢哋只不過唔想miss咗啲shot，但係我同太太就盡量想搵一個攝影師係我哋留意唔到佢有唔會影響我哋既。同Tanarak傾完都覺得佢既處理手法好配合到我哋而同我哋真係好夾。 我哋結婚係搞得好快既，我9月求婚，而因為我外父同外母既結婚週年紀念係响12月24號，我哋都想同佢哋夾埋同一日，咁好彩我哋想要既場地又有位而Tanarak又有期，所以就決定即刻搞唔想再等多一年。我到後期先知原來Tanarak佢自己記結婚anniversary都係12月24號，其實都幾唔好意思要Tanarak無得自己慶祝嚟幫我哋做嘢，但係都真係覺得好特別大家都係同一日結婚週年紀念。 Tanarak一路都好concern我哋想要啲乜嘢而感覺到佢一路都依我哋為依歸，好體貼我哋。記得當日隊crew好多人，計埋Tanarak自己都有6個人，2個負責拍video而都有一個專人負責燈光器材。當日佢哋都真係做到我哋既要求，我哋完全留意唔到佢哋做嘢而又真係可以capture到每一個細節，特別係一啲真情流露既時刻佢都補捉到而唔會逼我哋做嗰啲所謂既「指定動作」，例如戴首飾要望鏡頭影一張或者企定定嗰啲，我哋唔鍾意而Tanarak同隊crew都好清楚我哋既喜好，好自然咁就影低晒。 Tanarak 真係一個可以令人好舒服既攝影師，而佢真係可以响唔影響我哋既情況下影低晒所有既detail，好多謝佢，都祝福佢每年同我哋過結婚anniversary都開開心心。