我同太太喺行婚展時候周圍睇，留意display啲相嘅風格，睇到Chris Ling同我地想要嘅風格相近，所以就揀咗佢哋嘅pre-wedding😆我哋係婚展度都有睇過晒行勻晒最尾先比錢。Chris Ling個style係類似小清新風格，姐係唔係好傳統要擺好多好chok嘅pose，而係比較隨意啲自然啲寫實啲，唔會話「好多味精」。同埋佢哋係新加坡公司，婚展當日Chris Ling本人都有黎到，有行過黎講幾句。同佢地傾計嘅時候，佢地唔會hardsell。

佢哋嘅員工Yuki介紹得好清晰，佢由頭跟我哋到尾，基本上跟左成年，in between有咩事發生都係搵佢。Yuki跟得好足好helpful，問嘅所有information基本上佢都好快答到，亦比到我地要嘅資訊。同埋一啲好details嘅野，譬如租衫、攝影pre-wedding嗰啲，佢都好適時地提我地要準備某一啲野嗰啲，跟得好足。pre-wedding之前，負責幫我地影pre-wedding嘅攝影師約我地上office了解我地想要咩風格、想佢幫我地點樣影、同埋同我地講注意事項，或者調返轉我地想要咩效果。溝通過程中間冇咩甩漏，雖然淨係見一次攝影師，但Yuki一路都有提我地其他嘢嘅。

影相過程中，攝影師成日諗辦法令我地放鬆啲，會氹下我地笑咁。攝影團隊好專業，個化妝師見住我太太凍嘅時候，成日都會衝過黎披返件披肩比佢。最後收返啲相，真係同我地想要嘅一樣啊，係好好嘅作品😍好高quality，無論係個啲影相嘅style，相簿，油畫，都好好。

我有介紹Chris Ling比朋友，我諗一啲鍾意影自然嘅會啱搵Chris Ling。如果話想搵啲蒙羅麗莎啊，一啲影樓咁好舊式嘅好濛嘅就未必啱喇。中意韓式嘅應該都未必啱，因為韓式都比較會影得生硬、濃妝同埋「味精重」嘅，所以如果追求自然風嘅就最啱佢哋喇。佢哋嘅價錢好合理，不過作為消費者如果再平啲就最好喇🤣！

租衫方面我地個價錢比到好高，因為我太太有租埋一套晚裝，我自己就租咗兩套西裝咁樣。款式方面，女士嗰條裙好靚，個款唔會好古板，係潮嘅。唔係啲平時係出面搵到求其比你嗰種，會覺得有啲特別有啲特色。而且佢地有follow up，例如幫我改衫啊整嗰啲嘢都跟得好足。Big Day嗰日賓客都有讚我哋嘅衫好靚啊😇。

除左頭先講嘅Yuki之外，仲有一位Zoe幫我地。佢主要係現場，好照顧我地，解答我地嘅問題。我覺得佢地好friendly，係當我地client係朋友咁，個相處模式係唔會好商業咁👍🏻。成間公司俾人嘅感覺都係好注重同個client個relationship，manage得好好，唔會話淨係傾公事，佢地overall個culture都好friendly。我地相處得好舒服，成個感覺好好。佢地好識得搵個客想要啲咩，成個拍攝過程由婚展去到pre-wedding十分順利，我地都非常滿意佢地嘅服務啊🥰。

我哋行婚展嗰陣攞咗Chris Ling嘅coupon，所以就去佢哋booth睇下，比較咗其他攝影公司，都係覺得佢哋嘅風格同價錢好，所以就揀咗佢哋pre-wedding同big day攝影、租衫同化妝嘅一條龍服務啦😆。雖然介紹嘅時候算係有啲hard sell，但係佢哋解釋得好清晰同flexible，我有特別要求佢哋會盡量滿足到。負責我哋嘅同事Yuki服務好好，成日會提住我哋有咩要做，我哋有咩問題就可以whatsapp同打電話問佢，佢都會應得好快。

Pre-wedding係上佢哋香港studio影嘅，攝影師會擺埋pose教我哋要點做，影得可以自然啲。我哋收返啲相好滿意呀，唔單止係相，本相薄我哋都好鍾意，超乎我哋預期啦。雖然價錢general嚟講都唔算好平，但係有佢哋咁嘅quality真係好值得啊🥳！好特別嘅係有次我哋喺條公路影相，有兩架車喺度，攝影師會叫我哋擺pose，嘗試幫我哋影。

Big day接新娘嘅時候，攝影師會幫手講下祝福語同調動下人手。租衫都係喺佢哋嗰度租嘅，揀衫嘅地方好寬敞，有好多款式，佢哋會幫手度身，最後我揀咗兩件，好啱我心水🥰。如果佢哋執相可以執快啲就更加好啦，因為big day啲相都等耐咗少少，可能都因為我哋10月擺酒係旺季，佢哋會比較忙，不過其他嘢我哋已經好滿意啊。我覺得唔知自己想要咩嘅新人就可以搵佢哋啦，因為佢哋會俾好多專業意見，又或者有啲特別要求嘅佢哋都可以好flexible咁幫到手👍🏻。