我前前後後去婚展都去咗幾次，第一次就係純粹望下有咩公司，第二次就真係target某幾間公司。其實去得婚展都預咗會係咁比人chur，有時都唔係好走到。😓但係經過Chris Ling個booth，比佢哋嘅相吸引到，唯有冒住又比人hard sell嘅可能都行入去聽下，點知完全係超出意料之外，佢哋完全冇hard sell過。😳 佢哋就係好專業好detail咁同你介紹package，專業到好放心將人生大事交比佢哋處理。佢哋係巨細無遺到可以揀幾多場地、OT補錢、相簿可以擺幾多相都一次過講曬，唔會好似某啲公司咁側側膊有隱藏收費。🧐再加上價錢好合理，我之前search過嘅攝影師都會要我自己準備埋婚紗化妝，價錢又唔係平，咁計落佢哋一條龍真係抵好多。🤑

到我上去揀衫，佢哋同事Yuki會問我心目中有冇想要嘅款式，無論係男裝女裝都好眼花撩亂，好彩佢哋冇限時冇限件數咋。因為就連西裝外套同bow tie我哋都揀咗好耐時間。😂佢哋婚紗款式好特別，除左大路款嘅大拖尾同魚尾之外仲有好多，我估可能係自己設計嘅，係出面都比較少見。

去到pre wedding果日，化妝師Emily會一路化妝一路陪我傾計，緩和緊張尷尬氣氛。 佢幫我set嘅頭都好清新簡約，唔會浮誇，好容易carry。😚攝影師John同Sam怕我哋緊張會專登營造輕鬆氛圍，雖然都會教我哋擺pose但更多時間係捕捉我哋自然一面。😗除左外景之外studio景都多同都幾大，不過依家好似搬咗新鋪頭，我就唔係好知道變成點了。🤪

其實我一開始都淨係join 咗pre wedding咋，但係影完之後見佢哋團隊咁好，就決定搵埋佢哋幫我影埋big day。😘 不過估唔到佢哋會咁細心，Big day之前已經提醒我好多細微野，例如斟茶嘅時候準備定凍少少嘅水溝返啱個溫度，當下真係叮一聲，係喎，原來仲有呢啲要留意，所以好多野我哋都可以提前準備到。

而攝影質素方面，我搵返原班人馬質素自然高啦。我當日個rundown delay咗好趕時間，但佢哋就會幫我執下時間，知道邊啲位要快邊啲要慢，拉上補下咁，令到果日流程都smooth啲。😆佢哋嘅攝影風格都好輕鬆寫實，雖然都會有某啲特意安排嘅鏡頭，例如係衝上來攬住新郎呀果啲，但都係好輕鬆好愉快嘅感覺。本身佢哋仲問我會唔會有心聲可以錄比親戚，但可惜太忙都做唔到。另外覺得好窩心嘅係我有親戚趕住移民，我都想快啲比到相佢，於是就request可唔可以比住少少我哋先，佢哋就好好咁係big day後一個禮拜左右就比咗一大堆好靚、執好曬嘅相比我，真係好感激佢哋咁幫手。總體來講，Chris Ling價錢實惠，團隊質素又超班，真係冇辦法唔讚下！