因為我地banquet個度有coupon，又咁啱我地第一輯prewedding影得唔好，唔太見得人，所以就用咗佢地。開頭都以為Chris Ling會同其他攝影公司一樣好pushy，好hard sell，但係個sales又無喎，仲好詳細咁介紹同解釋個package俾我地聽，完全無push我地做D咩，令我覺得佢地service好好！

我地用揀咗indoor plan，就喺佢studio度影。衫方面有好多款，女裝就揀兩套，我太太都揀咗好耐，因為真係有好多款，男裝就揀一套。佢地有正經款或者D新潮D都有，我自己就鐘意揀返正經D嘅款。佢地D衫都好fit身，揀得好啱身。

我地對場景無咩特別request，佢地就幫我地揀咗咖啡室，花場同埋一個路邊小店，係而家比較興個種文青感覺。當日就係攝影師同化妝師跟住我地，攝影師好有耐性，我地都有啲生硬，但佢好好，好有耐性教我地點樣笑，點樣企。個化妝師就主力跟新娘，每隔幾個shot就會好主動去執一執我地，幫我地補返妝。佢地兩個之間合作得好有默契，我地都好滿意。

我特別欣賞佢地由frontline sales到揀衫同事、化妝師、攝影師，整個teamwork都好好。同埋frontline sales都同我地keep住有聯絡，我地臨尾好急托佢幫我地搵big day化妝師，佢都好好，都幫我地做到，搵咗team人幫新娘同姊妹化妝，係好短時間內都做到，我地都好多謝佢地。同埋效果出嚟我太太都好滿意！

最開頭係有親戚用過Chris Ling，話啲衫同啲相都靚，就介紹咗俾我地。我地嗰時聽完都無即刻決定，都親自去婚展度行吓再睇睇先。後尾因為佢地係婚展個booth 好好，簽約個sales 解釋得好詳細，所以就決定揀佢地，同佢地簽約。個Package雖然唔係最平，但鐘數好，同埋D sample 既相影出黎既效果真係靚！ 我地本身想影一日，最後變左影2日全日。因為本來佢地都offer 左係一日，包哂室內同埋室外，但我地覺得咁樣用啲時間一半一半會唔嗲唔吊，所以就決定室內同室外分開2日。其實最後都冇2日全日既，室內影咗大半日，室外先真係全日影到夜晚，去左中環個摩天輪、南生圍同香港大學。 室內外係唔同攝影師，但係2個攝影師都非常之專業。特別係影室外叫Andrew嗰個攝影師，佢真係好好。佢本身已經好好人，而且佢見我地都唔係啲影慣相嘅人，會係我地表情生硬既時候有方法引我地笑，又好識得catch 個moment，令到我地影出黎嘅相又靚又自然！另一方面，雖然香港D 景同天氣都未必好似外國咁有詩意，我地又唔係專業model，但佢影出黎D相都好優美！我覺得係因為佢影相既角度同技巧好好，所以先影得出咁樣嘅效果～化妝師我地都試過2個，都好滿意，亦揀左其中一個做BIG DAY 化妝師。 另外，佢地啲衫嘅款式都非常之多，試衫都可以試左大半日！唔單止款式多，佢地d staff仲可以介紹到D 真係岩我地身形既衫比我地，俾到啲有用嘅意見我地去揀衫，同埋要特別讚佢地個designer Fiona 真係好叻。個陣差唔多到big day，佢地有D 靚D 既衫返，都會比我地再揀同任轉款，感覺到佢地都會好緊張客人 big day當日效果好唔好~ 整體尼講，我諗每個人都對自己wedding 有唔同既要求，感覺上Chris Ling 係好適合我地同埋可以滿足同我地既願望，D 衫亦都真係好靚。我特別欣賞佢地個package比左好多空間我地揀，而且sales 介紹得好詳盡。雖然可以揀既化妝師同攝影師唔多，但每一個都好專業。即使佢地原本係新加坡公司，香港呢條team 都keep 到同樣既水準，非常好。