我行婚展既時候覺得Chris Ling比起其他台灣既pre wedding 公司無咁hard sell,即係我地企係度望下個陣都唔會話即刻有staff出黎chur我地，所以第一印象都唔錯😳。啱啱開始同我地接洽既同事熱情得黎唔會太hard sell,俾左好多相我地參考。我地了解曬佢地個package之後無即時落訂，考慮左一陣先決定返轉頭幫襯佢地。我地係expo簽左合約之後佢地俾左好多影相地點既options比我地揀，同埋俾左好多時間我地慢慢考慮，我地考慮左成個月先決定去日本+香港studio影，所以我覺得佢地好好既係唔會要求我地即時落決定。佢地個package已經包埋衫同化妝師。化妝師無咩點同我溝通過但係都整到我鍾意既類型既造型。揀衫方面，因為我自己身型比較奇怪，著唔到暴露既款，但係Yuki同Zoe 都了解到我鍾意既類型，幫我揀到啱我既衫，所以我係big day都有租到佢地既衫🤩正常身型既女仔應該有好多選擇😗。香港影個輯令我地可以warm up下，感受下影pre wedding既過程，令我地之後去日本影既時候更加自然。因為我同先生都係唔識同唔慣影相既人，初初係香港影個陣得化妝師同攝影師係度我地都覺得有啲尷尬，但係試左一次之後去到日本係街影都自然好多，起碼我地知道大概點擺pose，同埋攝影師既要求。我地都幾鍾意佢地比較warm,唔浮誇既攝影風格。係日本影個時，攝影師帶左我地去一啲比較特別，唔會太多人同埋櫻花開得靚啲既地方影相，所以出黎效果都好好，覺得佢地真係有做research。同埋佢地既效率真係超級高。我地六月結婚，四月先去影櫻花，影完隔左一個禮拜已經有相俾我地揀😨，再隔左一兩個禮拜睇埋layout，六月頭就已經有曬相，油畫，真係盡趕俾我地😆😆。成個過程佢地都好盡責，會開WhatsApp group提我呢樣果樣，要幾時集合等等，跟得好足，大家都好nice😆