我見個朋友嘅wedding個video做得好好，就問佢哋拎咗個referral。我朋友係攝影師包埋HW呢間公司幫佢做video，但係我哋已經有攝影師，所以就係特登去搵佢哋另外拍video。 我哋上佢哋office傾，佢哋有就住我哋個rundown俾意見我哋，亦有瞭解返我哋喜好，仲問清楚我哋有咩需要要避忌。佢哋冇hard sell，唔會迫我哋即場confirm。不過因為我哋一開始已經決定搵佢哋，冇特別要bargain，成件事都好直接，好快就confirm咗。當日係兩公婆Chris&Henry同我哋傾，佢哋好friendly，令人好舒服，亦感覺到佢哋係好experienced，佢哋好知道有咩要做有咩唔好做，都令我放心。其實傾嘅時候，Chris係大住肚，見面嘅時候都講咗到時有另一位攝影師會代替Chris個位同Henry一齊影。 婚禮嗰晚，勁多人睇完段片都喊，我自己都好滿意，仲勁多人問我拎referral介紹佢哋。Chris係大住個肚親身嚟到會場，陪佢老公一齊幫我哋剪片，我都好欣賞佢，佢真係好professional！佢哋拍Video嘅手法係除咗拎住部機之外都有用航拍機，佢係喺天上面一路沿住海邊pend埋嚟，見到成個屋苑再zoom埋我個單位度，一路影入去。啲人就話睇到覺得識咗好多年，又好熟我daddy mammy，知我住邊，見到我喺度出門，個拍攝手法好touching，令到好多人喊。同埋除咗影對新人之外，我朝早化妝嘅時候佢會慢慢影我屋企入面嘅擺設，例如我有一堆相架係細個同daddy mammy嘅相，又影吓屋企嘅特別擺設，同人般一式一樣嘅video唔同，好有personal元素，我真係覺得好特別。 我真係好開心搵到佢哋！因為我自己又有photographer又有佢哋拍video，所以會覺得攰少少，不過兩邊都做得好好。其實條片係遲咗好多出，差唔多食糖水先出，但係Henry好好，一早就講俾我哋聽，因為佢想剪到最好，佢話實在太多footage好靚唔想剪走，條片亦都俾standard嘅長，我都覺得佢真係交足功課！

其實一睇HW Motion Story啲作品已經覺得同我自己嘅style好夾，睇到人好感動，於是就上去佢哋公司度傾。一去到嘅時候就見到Henry同Chris，佢哋感覺都好親切，唔會硬銷。我講咗我嘅要求係想要「感動」同「航拍」之後，佢哋就俾啲reference片我睇，又向我介紹吓公司歷史。我睇完啲片之後都已經覺得好好，於是就即刻落單。然後佢哋就仔細啲同我哋傾吓會想喺咩地方影，點樣可以安排到航拍。 到big day當日，我好記得一出門喺屋企樓下佢哋已經開始幫我做航拍。然後去男家嘅路上(禾坑)，又會搵位停車做航拍。夾夾埋埋佢哋搵咗四個位幫我哋做咗航拍，真係睇得佢哋好有心機，連司儀都咁讚佢哋！另外，我好有印象佢哋又額外搵時間叫我爸爸媽媽做啲深情對話同擁抱嘅片段俾佢拍低，男家父母都係。佢哋指導同拍得好好，拍出嚟成個感覺係好自然同好感動。 當日佢哋留到好夜先走，到夜晚其實都無咩拍，但佢哋都留到10點幾。走嘅時候仲特登嚟同我哋講聲話佢哋宜家走，大約等幾耐會俾返晒啲短片俾我哋，好有交帶。而我啲朋友都feedback話佢哋眼中只有我哋，佢哋會擋開晒啲人衝埋嚟去拍我哋，唔想miss任何一個moment，係好有心又專業嘅一個團隊！ 到第二日，因為佢話知道我哋會好心急，就已經有成長片段俾返我哋可以放上fb，真係好細心呀！