其實一睇HW Motion Story啲作品已經覺得同我自己嘅style好夾，睇到人好感動，於是就上去佢哋公司度傾。一去到嘅時候就見到Henry同Chris，佢哋感覺都好親切，唔會硬銷。我講咗我嘅要求係想要「感動」同「航拍」之後，佢哋就俾啲reference片我睇，又向我介紹吓公司歷史。我睇完啲片之後都已經覺得好好，於是就即刻落單。然後佢哋就仔細啲同我哋傾吓會想喺咩地方影，點樣可以安排到航拍。 到big day當日，我好記得一出門喺屋企樓下佢哋已經開始幫我做航拍。然後去男家嘅路上(禾坑)，又會搵位停車做航拍。夾夾埋埋佢哋搵咗四個位幫我哋做咗航拍，真係睇得佢哋好有心機，連司儀都咁讚佢哋！另外，我好有印象佢哋又額外搵時間叫我爸爸媽媽做啲深情對話同擁抱嘅片段俾佢拍低，男家父母都係。佢哋指導同拍得好好，拍出嚟成個感覺係好自然同好感動。 當日佢哋留到好夜先走，到夜晚其實都無咩拍，但佢哋都留到10點幾。走嘅時候仲特登嚟同我哋講聲話佢哋宜家走，大約等幾耐會俾返晒啲短片俾我哋，好有交帶。而我啲朋友都feedback話佢哋眼中只有我哋，佢哋會擋開晒啲人衝埋嚟去拍我哋，唔想miss任何一個moment，係好有心又專業嘅一個團隊！ 到第二日，因為佢話知道我哋會好心急，就已經有成長片段俾返我哋可以放上fb，真係好細心呀！