我係上網睇睇下發現Mayona嘅，覺得佢哋啲衫好靚，之後就打電話約時間上去睇。佢哋嘅office好大好寬敞，環境乾淨舒適，款式有好多選擇，件件都好靚😍。員工嘅態度好好，會幫我分析我嘅身型啱著咩款，我想試啲咩款佢就會拎俾我同俾啲專業意見我，試身嘅時候又會幫我手試，去過其他婚紗店真係做唔到呢啲。比較過其他公司覺得佢哋嘅性價比最高，所以最後就喺佢哋嗰度租咗pre-wedding嘅一條婚紗一條男士禮服，big day嘅一條婚紗一條晚裝，再加埋裙褂同馬褂，一共六套。

佢哋嘅裙比較高檔，簡約、高貴或者可愛嘅風格都有，質地又靚又新淨，隨便揀一件已經覺得好靚。有個姐妹都有讚我著嘅裙好靚好特別，一睇就已經覺得靚過喺第二間度租嘅另一條裙，先生亦都好鍾意自己套禮服，質地好靚👍🏻。我哋兄弟衫喺第二間租嘅，但係著上身一係拉鍊爛一係爆肽，但係我先生喺Mayona度租嘅禮服影pre-wedding著咗全日都仲係好好，所以話質地好真係好重要啊！每兩個月佢哋會主動提我有新貨到，可以再上去揀下，我每次去到都可以揀到條，真係好靚🥰。最好嘅係佢哋嘅服務態度，好有耐心同好好笑容。任何類型嘅新人都會適合佢哋，因為佢哋真係好多款，想要咩款佢哋都可以幫手搵到😇。

我哋係喺年半前嘅婚展留意到Mayona嘅，覺得佢哋嘅婚紗好靚。之後Zoe同佢嘅partner就有同我哋簡介同show咗啲相俾我哋睇，態度都好好，我講咗自己想要咩款之後佢哋都會搵到啲相俾我睇，又認真介紹條婚紗的好壞處俾我哋參考😊。當日行埋其他間比較過都係覺得Mayona嘅態度同selling point好啲，所以我哋就喺個展覽結束前返去佢哋booth落埋訂啦。因為我喺外國住，嗰陣時係特登返香港行婚展，佢都會考慮到呢個因素，幫我哋計埋我哋幾時會再需要返香港做final fitting同安排好啲時間，唔洗我哋再憂心。婚展之後我第一次上佢哋舖頭，Zoe就即刻認到我，都記得我嘅需求，幫我安排好晒👍🏻。喺揀婚紗嘅時候我都想揀多幾個款，Zoe都會了解我嘅需要幫我揀埋，又無限制我試裙嘅數量，俾我試到啱心水為止，希望我嗰日會係最靚咁出席😊。除咗租婚紗，我老公、爸爸媽媽、奶奶都有喺嗰度租埋衫，Zoe都係一樣好有耐心好貼心，就算我哋已經揀好個款，有新款返Zoe都會同我哋講返睇我哋問想唔想轉。之後就算我喺英國有時差，Zoe都會好快覆返我嘅message，同我update我屋企人試身嘅時間，又會提我到時返香港試身嘅時間，好上心好盡責。雖然佢哋嘅款可能無出面咁多，但係有啲婚禮上嘅細節佢哋都會提返我，俾咗好多專業意見我哋。佢哋嘅裙褂係特別靚，著出嚟好纖瘦，嗰日嘅賓客都讚靚，同埋媽媽衫同奶奶衫著出嚟都好grand，我哋都好滿意佢哋嘅服務啊🥰。