佢地送咗個微電影比我地，係關於我同我先生相識經過，好特別。主要跟進我地既攝影師叫椰子，起初拍既時候我都唔知佢拍個微電影拍成點架，但後來效果就好好。佢個studio成日都無咩人，無乜員工，傾點拍啊、流程、big day都係椰子follow，開會都係椰子幫我跟既。Big day當日都大家都好熟流程，有時候有啲野唔知做唔做得，咁佢都會提醒我。佢地都會同我啲姊妹搞下笑，佢地會同我姊妹用搞笑既方式講解返點樣影會好啲，因為有啲姊妹怕醜生硬啲咁佢地都會比意見點影。

我揀Comme係因為我哋想去吳哥窟影，而唔係間間公司都肯去同有信心影到，因為嗰度係唔俾影相。我上網做好多research，知道唔俾影，佢一見到外國人著婚紗就會趕你走，仲要係一堆Security圍住你要你delete啲相。而Comme同我講唔怕我哋都照去，因為佢自己都想影一輯特別啲，有挑戰性嘅相。佢仲話如果去吳哥窟影唔到，返到香港會照幫我哋影返一輯，所以就決定搵佢哋影！ Comme做好多research，俾咗好多信心我哋。終於，我哋係好艱難嘅情況下影咗啲相，拍攝當日我係喺個古蹟入面除婚紗著婚紗咁先影到，好似做賊咁。呢輯婚紗相真係好大挑戰，係一個終生難忘嘅經歷。後尾都有人趕我哋，我哋偷偷地換卡，再俾相機佢睇先冇delete我哋啲相！ 相出嚟效果超靚，因為冇乜人去，所以個個都話好特別，好靚。我影嗰日天比較濛，其實都想Comme幫我tune藍啲，不過佢就prefer自然啲。後來，我哋都同Comme做咗朋友，都真係好多謝佢，幫我影咗一輯一生難忘嘅婚紗相！