我嘅朋友係Adele嘅化妝師，佢就介紹俾我話呢間公司同我嘅性格都幾夾，所以就揀咗Adele🤣。我自己鍾意啲簡簡單單，影出嚟係自然同舒服嘅作品，之前都有網上睇過Adele嘅作品，覺得佢哋都幾啱我要求。當時係直接上公司，去到就係Rae同我哋傾。佢會聽曬我哋嘅意見，有乜嘢唔識又會教我哋，所以我都好放心將prewedding 同 big day 交比Adele👍🏻，仲喺佢哋度租埋婚紗，同join埋新娘、姊妹妝同埋媽媽嘅妝。Adele嘅婚紗好多款式，全部都好新淨。我試婚紗嗰陣時係夏天，出曬汗咁樣試婚紗，好彩試身室入面有風扇，所以覺得試衫環境都好舒服。

Prewedding 嗰日攝影團隊好好，由於我有寵物攝影，佢哋好有耐心咁樣引寵物去望鏡頭🥰。化妝師Phoebe係最professional，佢跟足我全日，啲衫我唔識著又會幫我。而攝影師Rae人好隨和同做嘢好有效率，同埋安排都比較彈性，本身淨係影兩套衫，我哋帶多咗一套衫去，佢話：「唔緊要呀!我哋影埋佢」。由於我哋好少影相，Rae就好好教埋我哋每一步要點樣做。 另外，我想讚下 Rae 真係好勁。當時喺室內影 prewedding 個陣，我影咗三套衫，影咗好多場景，但我冇諗過一個唔算話好大嘅場地可以影到咁多風格嘅相🥰。而且我最估唔到係第一次同狗仔影相會影到咁靚，Rae會吹口哨引狗仔，一開始仲會摸吓狗仔同佢熟啲先，影相嗰陣會叫佢「望住鏡頭，望住哥哥」咁樣，真係好細心，所以有Adele團隊令我哋真係輕鬆好多，佢哋會安排曬所有嘢，我一啲都唔擔心，而相嘅效果我哋都好滿意！🤩

Big day 嗰日就係Frances帶着我，佢都係超好，幫我解決任何問題，成個過程我係一啲都唔洗操心❤️。Big day嘅schedule好緊湊，Frances會不時提點我，例如幾多點要去邊，又會提我「呢一part仲有好多時間喎，唔洗咁急」，或者會話「呢part仲有10分鐘就完」，佢仲會提點姊妹要做啲咩😃。 雖然我無join佢哋 Wedding planner 服務，但Frances 佢哋咩都做到好足，完全唔介意系各方面都幫我。最令我覺得窩心係拎婚紗嗰個位，佢哋話反正佢哋全日都係嗰度，咁我哋就唔洗特登上去拎衫，佢哋會將婚紗拎埋去酒店比我哋，夜晚佢哋走嗰陣時就喺酒店到拎返套衫走，完全係借同還都唔洗我自己去做，真係勁感動😘。

而prewedding同埋big day嘅攝影團隊都係同一Team人，所以經過Prewedding， big day嗰日我哋就更加熟，而且整個團隊都非常好傾，影相嗰陣時嘅氣氛仲好好，攝影師又會不時活躍下個氣氛😜。由於，我個婚禮係喺沙灘到搞，個場地就咩都冇，我問咗Rae一句有冇油畫架，佢二話不說就借咗一個俾我🥳。 而且喺酒店嘅back drop我唔知點樣擺先叫好，其中一個攝影師都會幫我睇吓同提議擺邊一個位，所以我覺得Adele嘅整體服務都好周到同埋貼心，而我最開心係我自己咩都唔洗諗，可能有啲嘢我講完佢哋就做得到，睇得出Adele團隊好有經驗幫新人去處理結婚上面嘅細節，成個團隊都好幫得手，服務真係非常之好同全面，令到我覺得好安心。連我啲姊妹都話佢哋好周到，好似咩都唔洗諗，咩都唔洗做咁，佢哋都話第日結婚影相都會搵Adele幫手🥰🥰。

我哋嗰陣時搵攝影公司都搵得幾急，我哋三月結婚，十月左右先至搵，搵咗幾間都覺得唔係好啱。後來我老婆同事介紹咗Adele Bridal俾我哋，佢嘅體驗都幾好，我哋就直接約去studio傾吓。上去傾完感覺都幾好，而且租裙、化妝、拍片同攝影師全部包晒，好方便🤩，同埋價錢又合理，所以就決定搵佢哋。當中主要係Frances同Rae幫我哋，佢哋兩個合作得好好，同埋好多嘢我哋未講佢哋已經會解答咗😆。佢哋wedding planning都好有經驗，係run down上都好幫到我哋，比咗好多專業意見，之後big day斟茶嗰陣時都有指導我哋步驟同埋應該要點樣做🙏🏻。

Adele Bridal佢哋嘅studio好大，好舒服，一層影相一層試衫。揀衫方面我哋又冇乜經驗，結果都上咗去兩三次，試咗成六七條🤣。出面好多時試衫都只係俾你試兩三款，但係Adele Bridal就比我哋任試，就算去到夜晚成10點11點都仲陪我哋試衫，真係好好👍🏻。化妝師Vian幫我太太用咗2-3個鐘試妝，裙褂妝同婚紗妝都試咗，頭飾、耳環同頸鏈都有得試😍。我太太覺得自己皮膚有啲部分唔太好，但Vian都處理得好好，太太非常鐘意個妝效。試妝嗰時俾咗啲意見，到Big Day Vian都有改到，我外父外母都覺得化得好靚，好滿意💯。

我哋Big Day係分開兩日進行，第一日註冊同晚宴，第二日就有lunch reception😚。佢哋知我哋第一晚想要有一條video，佢哋團隊第二日已經預備到條片俾我哋，好有效率，好配合到我哋嘅需要😊！ 當日攝影師係Rae同埋一位拍片師叫Alan，佢哋都好專業，啲相同片我哋都鐘意🥰，係比較自然嘅風格。佢哋兩位都一齊合作咗好多年，互相配搭得好好。佢哋好識得捕捉唔同嘅畫面、我哋啲朋友嘅小朋友都影咗啲好得意嘅相！雖然我哋原本好多嘢擔心，但big day都好順利。 我哋都覺得Adele Bridal服務好好，裙又有好多款式，而且價錢合理，都會介紹比其他朋友🥳。