開頭搵攝影公司嗰陣我哋有特别留意Adele Bridal呢間公司，因為我啊哥之前用過佢哋嘅攝影服務。其實之後都有上網對比吓其他同類型嘅公司，不過我哋就覺得 Adele 影啲相風格偏自然多啲，加上阿哥親身體驗過都好推介我哋去，就決定揀佢哋。👍 佢哋嘅同事都好友善，好主動介紹package俾我哋，成個過程都好舒服，唔會 hardsell 我哋，我都好滿意佢哋嘅服務態度！💯 我就join咗 Adele Bridal影 Pre-Wedding 同埋 Bigday 嘅package。拍攝前攝影師 Rae都會同我哋討論去邊啲戶外嘅景點，佢會利用經驗去俾一啲suggestion我哋，後尾我同太太都揀咗中學嚟影，比較有紀念價值，又有草地，夠曬闊落。

成個拍攝過程，攝影師都好helpful，好識得教我哋擺pose，又會俾好多指示lead住我哋，相處上都有講有笑，好輕鬆，唔會覺得好尷尬同怕醜🤣。我哋都有去 Adele Bridal嘅studio到影，佢哋嘅背景勁多選擇，唔同嘅style都有齊曬，我哋都揀到自己啱心水嘅景。嗰日除咗攝影師之外 📸️ ，仲會有攝影師嘅助手同埋一位化妝師，佢哋團隊都好盡責，路線同埋時間上都安排得好彈性，會提前夾好一啲流程，所以我哋一啲都唔洗擔心！化妝師都係本身嘅package包埋，一條龍服務，化妝師都好好，凡事都同新人有商有量，會問新人嘅意見，又會建議新人可以盡量提出自己鐘意嘅妝容或者髮型，非常尊重新人嘅諗法。🥰 我哋 Bigday 前都已經收到曬啲相，同我預期中嘅效果差唔多，最令我驚喜嘅係中學嗰part嘅相，超靚，無論燈光或者角度方面，Rae都做得好好，feel到大家嘅用心。