最初我就喺網上留意到Grand Hyatt，我都比較過幾間酒店，但係我主要揀佢哋係因為佢符合我哋幾個要求，除咗有戶外場地，package仲可以包晒我哋需嘅服務👍。 我哋就透過Email聯絡Grand Hyatt嘅同事，佢哋都好友善，回覆得超快而且Package方面都講得好清晰，非常詳盡。☺️佢哋同事有同我哋確認好婚禮嘅流程安排，但係本身我哋rundown安排得比較簡單，佢哋睇完之後就俾返意見我哋，稍微修改啲細節，而且佢哋仲會提前話俾我哋了解可能會發生嘅情況，我覺得呢點非常好，好幫得手！👍

婚宴當日，我覺得個場地好靚，係望住維多利亞港，好闊落，裝飾方面都比較簡潔，睇落去好高貴🥰。當日我哋好忙，雖然冇吃到啲食物，但係食物方面好多賓客都話好好味，食物水準唔錯👍，大家都好Enjoy，而且有啲賓客仲話好滿意 Grand Hyatt嘅service，話酒店嘅同事都好幫得手☺️。 我仲好記得，佢哋安排嘅婚禮策劃師好負責任，會全程跟身，所有嘢都會跟得好足，而且仲會照顧埋我哋嘅情緒，會安撫我哋，叫我哋唔好太緊張，放輕啲，佢仲會斟水俾我哋飲，提供飲管俾新娘，擔心整花佢個妝，👍呢啲細節位做得好好，佢好俾心機服務每位新人。最後整個流程都好順利，會感受到每位同事都好重視我哋。☺️Grand Hyatt 有好多唔同嘅套餐可以選擇，新人可以根據佢哋嘅預算去揀，所以日後有朋友結婚我都會推介 Grand Hyatt。💯

因為我會係教堂舉行儀式位，置位就係中環堅道，我就想婚宴場地係堅道附近嘅酒店🏨，所以中環、金鐘、灣仔都係婚宴考慮地點。😗場地我考慮過大小、位置同方便性嘅問題，係疫情之下太多uncertainty，我就想唔搞太大型嘅婚禮，大概8-10圍左右就最Perfect。👍

我都比較過幾間酒店，其中Grand Hyatt係MTR附近，無開車嘅朋友都可以好方便去到，而開車嘅朋友Parking方面都容易，加上有朋友有去過Grand Hyatt嘅Pool House食過飯，佢哋嘅Experience都係好嘅，同埋我個人就鍾意陽光，而睇場嘅時候覺得Grand Hyatt個場感覺好服，綜合價錢、場地大細等等嘅情況，最後就決定咗Grand Hyatt。🤓

當初我係透過Email聯絡Grand Hyatt嘅同事，佢哋就Send咗Catalog俾我睇，我都覺得幾Informative，佢包含唔同嘅Menu同唔同場地嘅Maximum capacity、Min charge等等，有齊唔同嘅資料，我都有同屋企人、未婚夫傾過都覺得唔錯，所以約咗時間睇場地。當時就由Hailey帶我哋睇場，佢好genuine，仲會俾啲好 personal 既 sharing我哋，就好似之前嘅客㨂邊個同原因，因為自己都係第一次搞Wedding，所以好開心佢會分享其他顧客會點做。😉

簽完 Contract，就有Dino負責跟我哋嘅Wedding，佢好reach-able，乜嘢時間搵佢，佢會定時提我哋Final check list提我哋幾時要定啲乜，成個過程我覺得好好。😍

Big Day當日，樓面有一位 Manager叫Dickson，佢會同我哋講番所有Flow嚟個Quick update講所有唔同嘅部分，我覺得佢哋都好醒目，Dickson係當日有乜Update都會即時同我講番，佢會定時話你聽乜嘢已經Ready，令你知道所有嘢都搞掂咗，可以開波啦，服務都幾貼心。🥰

整體上我哋同所有賓客都覺得佢嘅嘢食係好好食，大家都好Enjoy，都有啲賓客反映番佢哋幾鍾意當晚提供嘅酒，都覺得好好。🥳