我哋去到 Lamore 試衫嗰陣，覺得佢哋嘅同事好親切，亦都俾咗好多有用嘅意見，唔單止喺婚紗款式上俾意見，就住成個婚禮流程都會俾啲建議我哋，真係幾細心😆。Lamore唔會催我哋做決定，反而會鼓勵我哋再試多啲唔同風格嘅衫。例如我本身鍾意 A-line 款，同事都會提議我試埋魚尾裙或者其他cutting，等我可以比較下，揀到最適合自己嘅 big day 造型💕。 最後我喺 Lamore 租咗七套婚紗同禮服，款式選擇都算多，唔同風格、cutting 都有得試， 無論迎賓裙、外影婚紗、進場婚紗定晚裝都有齊，可以一次過搞掂，真係幾方便😗。Lamore嘅服務亦都好細心，我哋問問題嗰陣，同事都會好耐心咁解答，唔會有嗰種我問得多嘢，佢哋會覺得煩嘅感覺🥹。拎衫嗰陣，Lamore 會幫手 pack 好曬啲衫，配件亦都會擺埋一齊，我哋唔洗擔心會拎錯或者漏咗嘢。對於忙緊籌備婚禮嘅新人嚟講，真係慳咗唔少時間。除咗婚紗體驗，我都有用埋 Lamore 嘅一條龍服務，試妝嗰陣，第一次效果同我想像中有少少出入，我覺得可以再調整下，所以我同 Lamore 提出想試多一次妝🥹。原本都唔知佢哋會唔會接受，點知Lamore真係俾我可以免費再試，呢點令我幾驚喜，覺得佢哋真係好重視新人嘅體驗🥰。第二次試妝嗰陣，化妝師明顯掌握到我嘅要求，因為大家都做咗好多溝通，所以最終嘅效果好滿意。化妝師幾專業，做每個步驟都會同我講聲，例如而家化底妝、上眼妝等等，令我唔會覺得混亂，過程都幾放心😚。 整體服務同體驗都幾好，無論試婚紗定化妝，團隊都好願意聆聽我嘅意見，同埋會作出調整👍。

La More嘅同事覆message都幾快，佢哋又會主動推介啲款式俾我🤩。款式選擇方面都幾多元化，雖然我自己就冇特別鍾意邊種風格，但同事都會俾啲意見，再推薦一啲適合我嘅款式俾我，感覺La More都幾專業😙。揀婚紗嗰陣，La More同事都幾細心，例如臨近 Big Day嘅時候，我擔心條裙會太性感，同事都即時幫我諗辦法解決，例如係加啲花去做裝飾，令我著得舒服啲，又可以keep住靚🌟。另外，同事仲有教我Big Day嗰日可以點樣行，因為婚紗比較長，行起上嚟可能會唔太習慣，同事會教我點樣行得自然啲，又會俾裙撐我，令我行嗰陣冇咁容易kick親或者覺得累贅😍，呢啲細節位，令到我當日可以安心啲😛。

La More 其中一個特色係佢哋會幫顧客改裝婚紗，唔洗完全跟足原本嘅設計，令婚紗嘅著法可以再靈活啲。雖然初時感覺同事比較 cool，但實際上幾 supportive，會主動關心我試衫嘅情況，有咩問題都可以問，都好nice💕。不過我覺得試衫空間可以再大少少，因為人多嘅時候會有啲逼，如果空間大啲，整體體驗會更好👍！