我當時都有睇過其他公司，做過少少比較，最後揀咗La More，主要係因為網上好多對佢哋嘅評價都幾好，所以就試吓😍。 第一次聯絡嘅時候，La More同事俾我嘅印象幾熱心，好主動幫手。如果我唔係好揀到衫，同事會俾意見我，甚至幫我諗其他合適嘅款式。有時候如果有新款啱我風格，同事都會特登留意，再 send 俾我睇，所以佢哋都幾細心。 La More嘅婚紗同禮服款式都算多，唔會太單一，亦唔會淨係得幾個 cutting 重複出現。揀衫嘅時候，都有同事一路介紹同推薦，整個過程算幾輕鬆，冇乜壓力。同埋La more佢哋完全冇 hard sell，所以我哋唔洗擔心🥹。就算我試咗好耐，同事都唔會唔耐煩，氛圍好好，令我可以慢慢試、慢慢諗。最後我租咗四套衫，而試身嘅地方，我覺得空間都足夠，唔會有逼嘅感覺，基本上大部分時間都唔需要同其他新人爭位，成個過程都幾順利。到拎衫嘅時候，啲衫都已經一套一套分開pack 好，搵起上嚟就會好方便！🥰