我哋第一次去試婚紗嗰陣，覺得La More同事好有耐性，又好上心🥳。佢哋完全唔介意俾我哋試多幾套，態度好親切，俾到我哋一個安心嘅感覺。 喺成個試婚紗同揀衫嘅過程，我覺得佢哋嘅服務幾專業，會幫埋我哋諗啲細節😝。我哋有問題嘅時候，同事都會即刻解答到同俾意見我哋。La More同事會主動了解我哋嘅喜好，再推薦合適嘅款式，令我哋可以快啲揀到啱心水嘅衫。 我特別欣賞嘅係，同事唔只係俾婚紗我哋試，仲會幫手配搭唔同嘅頭紗、手袖，甚至飾物，等我哋睇到成個造型嘅感覺。過程中同事都好有耐性，唔會嫌我哋試得耐，反而仲鼓勵我哋可以試多幾款，等我哋更加清楚自己鍾意嘅風格😍，同埋La More同事唔會hardsell我哋，所以我哋都覺得好好。我哋總共喺 La More 到租咗大約十一套衫，除咗我同先生嘅婚紗同禮服，仲包括長輩同屋企人嘅衫。整體嚟講，新人嘅款式選擇比較多，長輩衫相對上就會少啲，如果選擇可以再多一啲就更好喇！拎衫嗰陣，La More同事幫我哋 pack 得好整齊，每套衫都放好曬，拎同還都方便😆。結婚當日著嘅時候亦都好就手，唔需要再自己執飾物或者慢慢搵，呢點幾細心。La More都好多新人揀，所以我希望舖頭面積可以再大啲，咁就更加舒服喇！另外，人手方面可以再穩定少少就更理想，不過每位同事態度都好好，無論 full-time 定 part-time 都幾專業，做嘢都好細心，感受到佢哋真係好有經驗， 俾到專業意見，令我哋新人好安心❤️。