行booth嗰陣，同事Melody好熱情咁歡迎我哋去睇睇La'more嘅婚紗，即使佢知我淨係入去望一望都依然好熱心介紹啲款式俾我，冇狂sell我，反而仲提我可以考慮清楚先，睇啱再落訂都ok。👍🏻。La'more除咗態度優勝之外，最吸引到我嘅係佢哋嘅婚紗，相比起其他公司，款式普遍都大同小異。但係La'more最特别之處就係一件婚紗可以有好多種變化，例如吊帶款可以改成一字肩嘅著法，可以根據新娘子嘅需求去進行調整，價錢方面更實惠，更平嘅價錢又可以多啲選擇。🥰 Melody服務勁周到，每次我要book試衫時間佢都會提醒我有邊啲日子佢唔係到，可以揀過其他時間，驚招呼唔到我哋 😂 。

La'more 鋪頭都幾大，唔同款式嘅婚紗都已經分類好，擺放整齊，要搵邊啲款都可以直接搵到，唔洗等太耐👍 ，而且佢哋仲有埋三面全身鏡，360度都可以睇到件衫著上身嘅效果。🤩 喺揀婚紗嗰陣，同事Melody都會俾啲意見我，幫我手揀，我前後都上過去幾次，次次都試好耐。喺呢方面，La'more唔會有任何限制，就算人流好多，都冇趕我走，我至少試咗十幾條婚紗，同事都仲係好好笑容🤭。 因為之前我同老公影pre-wedding嗰間婚紗鋪，一路會催我哋快啲揀好走，有個好差嘅體驗，俾錢買難受，但係La'more到我完全冇hard feeling，可以慢慢試到啱為止，唔洗亂咁揀，成個過程舒服好多。😙 另外我哋都有租媽媽同奶奶衫，禮服方面都好多選擇，啲款式又好新潮，照顧到唔同年齡層嘅需求。不得不提有一次，由於我迎賓裙一定要粉紅色，咁啱撞正旺日，好多我中意嘅款都有人book咗。同事Melody都有話我知其實陸續都已經加緊一啲粉色新款裙，不過未到貨，如果到貨再通知我過嚟睇。嗰段時間我都好擔心，畢竟粉紅色同我婚禮整體色調最match，又唔會太誇，後尾一到貨 Melody 都即刻message我上去揀，我都有揀到啱心水嘅款，件又婚紗好新淨，非常開心。❤️ 

臨結婚前我都有再上去 final fit，我因為減肥瘦咗好多，條裙就要再改，Melody都好幫得手，即刻幫我改，著上身都好fit我嘅身型。雖然可能好多公司都會幫手修改，但係我覺得好窩心🥹，佢哋真係有用心去聆聽我嘅需求，解決我嘅concern，盡力俾最好嘅體驗客人，服務質素勁好，對每位新人都好重視！❣️ 

當時喺上網搵啲結婚嘅資料嗰陣見到La more。睇到啲相又覺得唔错，而且佢哋嘅位置都比較方便，所以就book咗上去試衫。咁啱啲日子都比較多人book，但是佢哋好好，盡量安排最接近嘅時間俾我哋上去試衫。 試衫嗰日Lamore啲同事好nice咁解答我哋所有嘅問題，又好清楚去講解成個package嘅收費😙。La more啲裙嘅款都幾多，其實本身都有擔心自己未必Carry到啲款，但是佢哋職員都好好，會鼓勵我試多幾款上身，睇下個效果先決定。佢哋試衫係冇時間限制，我就試得比較多嘅，而試衫個空間都足夠大。 試衫嘅過程中同事都會留意我中意嘅款式，然後會再攞啲類似嘅俾我試。

第一次試衫嘅時候就未揀定，而佢哋都有Keep住再send啲新款式啲相俾我睇，令我覺得Lamore啲同事好積極。有條裙本身都係我中意嘅，但是嗰條吊帶我以為係fix咗，又不想放棄咗條裙，而佢哋都好樂意去幫我做少少tailoring，呢一part令我覺得佢哋嘅服務好好🥰。揀衫嗰陣時都發覺到La more嘅婚紗都幾新淨，問咗先知平時啲新人還返嚟都會清潔過，跟住先再俾我哋試，所以就令到我覺得好放心！所以最後同屋企人一次過租咗total十幾套。 我記得試衫嗰陣，有同佢哋啲同事提過唔係好滿意自己搵嘅嗰位化妝師，而佢哋都好好會根據啲經驗，推薦咗位化妝師俾我🥳。攞衫嗰陣同事都好細心，交裙前都同我check得好detail，盡量分好曬啲衫同埋啲配件仔方便我哋拎出嚟用，真係好專業💕！Big Day嗰日親朋戚友都大讚個妝同衫好襯我，屋企人啲衫嘅襯色好靚，影出嚟嘅相嘅感覺真係好睇！