我覺得La More嘅自由度比較大，安排都比較彈性😆。我當時係同朋友兩對新人一齊去租衫，佢哋嘅同事都好nice，有陣時我未有一啲清晰嘅諗法，同事都會俾好多實用意見我。La More收費透明，服務又好好，唔會逼我一定要喺佢哋到買nubra🥹。La More嘅禮服同西裝選擇都多，佢哋每個月都會入新款，同事都會主動叫我去試下。我自己都有啲想試嘅款，試完同事都會俾啲意見我，又會主動建議我試一啲啱我身型嘅款式👍。

因為La More試新娘同埋媽媽衫嘅位置得兩個，加上佢哋都多生意，所以試衫嘅空間唔算太足夠，但佢哋同事都好有耐性，我哋試兩三個鐘衫，佢哋都唔會唔耐煩，甚至有次試到夜晚11、12 點都係好專業咁服務我哋🥹。同埋La More嘅服務都好全面，仲有飾物提供俾我哋，披肩、腰帶、頸鏈、耳環同頭飾都可以一次過租齊。同事會俾iPad我睇下晚裝嘅款式，之後再去試。試完衫之後同事會再推介一啲覺得我哋會鍾意嘅cutting同顏色俾我哋🌟。

有陣時我哋有兩件衫唔知揀邊件好，同事會主動提議幫我哋hold住，俾時間我哋返屋企諗下，或者問吓其他人意見再決定都可以，所以同事都好明白我哋嘅感受，唔會催我哋💕。就連我媽咪同奶奶都好鍾意La More嘅同事。可以改善嘅地方係La More嘅試衫空間可以再大啲，因為佢哋booking都好full， 空間大啲嘅話，可能會再舒服啲🤪。