我係因為朋友介紹先識到La More，最後會揀佢哋，主要係因為La More喺網上嘅評價幾好，好多人都讚佢哋服務好，令我哋都有信心去揀佢哋，加上價錢都合理🥰。喺同佢哋聯絡嘅過程中，感覺同事都好友善，而且有耐性。不過，唔同同事之間嘅交接就唔算做得好好，例如我同其中一位同事提過嘅要求，但另一位同事未必知道，不過後尾佢哋都有繼續keep住follow。

我自己對款式有啲想法，所以就主要集中試自己鍾意嘅款。同事喺我試衫嗰陣會了解我嘅喜好，之後都會不斷推薦啲適合嘅款式俾我，又會俾到好多實用嘅意見我😚。即使試咗幾套都未揀好或者十五十六，同事都唔會唔耐煩，反而仲鼓勵我試埋其他款式，甚至比我仲積極。喺試 final fit 嗰陣，我哋發現有條裙嘅長度唔啱。La More嘅同事即刻就幫手改，兩位同事烏低身縫咗個裙腳兩個鐘，所以覺得佢哋唔計較自己付出幾多🥹。不過我覺得La More內部溝通可以做得再好啲，例如當某位負責同事唔喺場時，其他同事未必知道我嘅要求，但好在佢哋都會繼續去盡力安排，整體成個感覺都係好舒服。