Parisine嘅香味選擇多元化，除咗有推薦嘅香味之外，都可以自己創作香味～🥳 我係big day前行婚展見到Parisine嘅，當日嘅Setting令我可以幻想到Big Day當日擺Booth嘅情況，而且職員同調香師都好詳盡咁介紹，令我哋適得點樣分前調、後調，挑選自己鍾意嘅香味～😍✨

開會嘅時候，調香師都預計到賓客有選擇困難症，所以建議我同老公可以預設一啲我哋建議嘅香味俾賓客，例如我鍾意no.22花香，清新香味好適合女仔；而男仔嘅話可以揀新郎都鍾意嘅木味😎～ 駐守嘅調香師都可以俾到專業建議俾賓客，教賓客點樣揀適合自己嘅香水～ 我嘅同事同朋友玩過之後，都覺得用香水做回禮小禮物好正好實用，唔同年齡層嘅人都可以參與，我仲見到調香師好細心同長輩講解，真係好窩心！🥰 最驚喜嘅係，原來佢哋仲會喺香水上面有一條度身訂造嘅絲帶，勾喺香水樽上面，印上我哋個名，仲有六款唔同字型同唔同顏色俾我哋揀！我覺得呢個服務真係好貼心！😍 👍

不過有一點要注意，就係如果要Book佢哋嘅話，記得要留意現場嘅空間夠唔夠～ 因為要預留空間放香水Booth之餘，如果賓客太多嘅話，可能要排隊，所以要預留位置俾佢哋，唔可以太侷促／阻塞通道～ 婚禮當日佢哋仲拍咗一啲花絮，有snap又有片，我哋都係透過呢啲片段去睇返賓客參與嘅情況，見到個個都樂於其中，真係好開心！🤩

因為疫情嘅緣故，我哋嘅婚禮取消左食嘢嘅環節。為左婚禮可以提供活動俾賓客，我哋上網做過資料，又親身去Parisine嘅門市，覺得佢哋香水嘅味道唔錯，所以就決定用佢哋嘅香水bar 。佢哋服務態度好好，我自己係一個比較悠游寡斷嘅人，但Parisine嘅同事係好有耐性咁同我講解點樣調配香水，又同我約時間等我可以親身去店舖傾👀。一路同我溝通嘅同事Margaret，佢好關心我嘅婚禮，會了解我嘅需要，親力親為，令我好放心。Big day當日有幾個同事同調香師駐場，佢哋會先問賓客嘅喜好，再教佢哋調製自己嘅香水。同埋為左防止香水bar太擠擁，我哋事先已經揀好左一隻味道俾Parisine幫我哋調配，所以當日有部分香水係已經調製好，供客人選擇，所以最後有啲賓客攞走左唔只一支香水。客人調配香水嘅過程好順利，而賓客亦好鍾意呢個香水bar 😆。香水樽身、絲帶嘅顏色同字體可以俾我哋自己揀，不過香水嘅容量就定左係10ml，如果容器方面可以提供多啲選擇就更好喇🧐。