我覺得Parisine對比其他回禮禮物更加特別，坊間好多都係糖果朱古力，但佢哋就係可以比賓客自己調配香水👍🏼我地係晏晝搞cocktail party，始終都會想搵嘢玩下，除咗小朋友之外，佢哋係青年、中年、老年都好適合，甚至乎長輩比後生一輩更加鍾意依個服務😆我自己有個小建議想講，回禮香水嘅size係10ml，唔算大嘅，佢哋可以比coupon同埋紀錄低賓客係婚禮上揀嘅味，等佢哋用曬之後再去返佢哋公司買同一隻味都得。因為始終賓客未必會知道、記得自己當初選擇嘅味道。Parisine收費唔高, 而且服務好好，感覺到佢哋好有誠意💗一開始聯絡佢哋都好快回覆，儘管佢哋公司係銅鑼灣、尖沙咀，佢哋公司職員都會就我地去就九龍這邊😇除咗賓客有香水之外，佢哋都有送香水比新人，而且會印埋日期上去，有紀念價值🤓同時佢哋都會向賓客介紹新人所挑選嘅香味，等賓客可以有個參考！佢哋當日派咗6-7個staff來，我自己都真係冇想過佢哋會派咁多人，因為咁所以佢哋講解都好清楚，賓客全部都好鍾意，覺得好好玩、好特別！