我同太太想要一份特別嘅回禮，之前係婚享會依度睇過相關評語同文章😊我覺得佢哋嘅成分比較天然同少酒精，所以好快已經決定用佢㗎啦，但係都會來來回回聞下味道，佢哋都唔會有不滿🙈我地賓客比較多係女士，佢地可以係婚禮現場調製屬於自己嘅味道。咁佢地就會有一個感覺係原來婚禮唔一定要好傳統，唔洗全部人坐定定，都可以有嘢玩🤓所以Parisine都頗適合年輕少少嘅新人，特別係想婚禮多少少歡樂、活潑嘅感覺就更加好啦！除咗可以自己調製味道，婚禮前一個月嘅時候Parisine約咗我地上公司，比我地揀香水絲帶顏色、字體等等😙不過我個人就覺得香水嘅選擇可以再豐富少少，或者定期有新嘅味道咁。另外可能有賓客遲少少到，我地都揀咗total 4隻香味比冇得親自整香水嘅賓客。男士係木味同古柏🌲女士係玫瑰同薰衣草💐我覺得佢哋嘅店員好過名牌專門店添，全部都好專業，會話比我地知點揀適合嘅味道👍🏻由於婚禮當晚佢地都有派足夠嘅店員所以都可以應付到賓客嘅問題同需求😌