當初會搵Oliver做司儀都係因為佢嘅口碑唔錯，事後我發現佢無論邊方面都盡心做到最好，每一方面都令到我覺得好放心交俾佢處理。😎 佢係一個好有禮貌嘅司儀，例如佢主動提供助手for當日幫手處理瑣事，佢都會提前詢問我同唔同意先。因為婚禮上唔多唔少都涉及錢銀嘅開支，佢都擔心新人會誤會所以盡力解釋，開心見誠討論。😆

而喺籌備婚禮嘅過程當中佢都幫咗我唔少，我冇請太多兄弟姊妹所以身邊冇咩人可以同我一齊思考rundown，佢send咗份rundown俾我，等我可以依照住去安排。佢仲逐個逐個細節同我傾，甚至乎精準到係同我講食乳豬嘅時候我就要開始準備啲乜嘢。🤭我覺得好少司儀會準確到呢一個位，令成個流程都非常流暢。

Oliver處理突發事情，都有好高嘅應變能力。Oliver本身除咗係司儀之外佢都係一個魔術師嚟嘅，咁我之前都有同佢商量過魔術表演嘅時，佢話會盡量做俾我。咁啱當晚嘅早拍晚播delay咗。佢可以即場加插一個魔術表演，所有賓客甚至乎我嘅姊妹都睇唔出係臨時加入去，以為係我哋一早準備咗嘅特別節目。所以睇得出佢成個表演係非常流暢，亦都令到賓客覺得好吸引。🤩

早拍晚播推遲咗， Oliver都有幫我追番啲時間，令到我唔需要overrun，都係好準時嘅。雖然話我哋有一份rundown，但係有陣時未必可以逐樣逐樣跟到足。Oliver好識睇時候睇時機，影相可能編排左某個時間，但係見如果而家有空檔都會盡量影，等之後唔需要咁趕。😉Oliver仲好好人咁扭咗一個新人嘅氣球俾我，係一個surprise，事前係完全唔知嘅。我到依家回憶返都覺得佢係一個好稱職嘅司儀。✨

因為之前我朋友本身都請過Oliver Lee做MC而佢哋用完就推介俾我，而我自己都睇過佢Facebook，見到佢嘅片係我自己想要嘅效果，所以就開始聯絡佢。我哋去到搵佢傾嘅時候，Oliver佢態度唔錯，而講嘢方式又好幾搞笑，我都有比較過1-2個MC，但因為始終朋友用過，比較有信心，所以我都好快咁決定揀咗佢。🤓

而係Big Day前期，我哋有同佢見面，佢有同我哋解釋番當日流程及講嘅內容，包括當日有無物嘢特別想講嘅嘢，我覺得整體上溝通過程都唔錯，而且佢覆WhatsApp都好快，因為始終自己對結婚都係無物經驗，好多嘢都唔太了解，所以我都問咗佢好多結婚嘅細節，同時佢都俾咗好多意見我哋。😄

因為我婚禮都係疫情期間，所以Oliver都有提出如果真係有需要改期/延期，只要無撞其他新人嘅情況，都可以俾我無限期咁幫我留個期，叫我可以放心。因為其他公司可能會收咗訂金，遇到改期情況就會Hlod住個期，但又唔俾改日子嘅情況，所以我聽到都覺得好好。👍最後我大日子都好好彩，唔需要改期。

Big Day 當日我見到Oliver 嘅MC表現都好滿意，佢風格比較搞笑，但當中又好認真﹐佢嘅主持內容唔係周街都一樣嗰啲，而因為我自己係比較早訓嘅人，所以都特別要求想要10點要完嘅所有，而Oliver都好好幫我安排曬所有流程，亦都都好快又Smooth咁喺10點前結束所有環節。🤗

當日Oliver係枱上面嘅說話同我二姑媽好有交流，而我二姑媽係枱下面即刻俾反應佢，完咗之後二姑媽有同我特別提好鍾意Oliver，而來賓都有讚我哋MC好好，所以我之後都有介紹MC俾其他朋友。 因為我後期都知Oliver都係識玩波波同玩魔術🥳，覺得係婚宴場地都可以考慮埋呢啲因素。