接觸Miss Suki Wedding之後，第一印象都幾好，回覆都算快，問問題佢哋都會解答得幾詳細。其中有個男同事叫 Eric，佢俾我感覺幾親切，解釋都好清楚，唔會求其答，令我覺得有問題都可以放心問佢🌟。成個溝通過程其實幾自由，我哋都幾清楚自己想要咩，佢哋唔會強行sell，反而係跟返我哋嘅想法去配合。拍攝之前同埋流程安排方面，佢哋都有幫手處理，整體係順利嘅。拍攝當日同過程入面，我覺得團隊都幾細心，例如我哋有需要額外租車，佢哋都會幫手安排或者提供協助，呢點我都幾欣賞！

攝影方面，因為我本身已經喺網上睇過Miss Suki Wedding攝影師同化妝師作品，所以選擇上都幾有信心。 同事都幾細心，亦都盡量配合我哋想要嘅效果，成個流程都算順利。 攝影師亦都有俾指示，例如點企、點望鏡頭、點擺姿勢，令我哋唔會太緊張，跟住做就得。 試衫同揀衫方面都幾方便，佢哋有 iPad 同網站可以睇款式，選擇好多，揀起上嚟都快😗。 基本上化妝師同攝影師都係客人自己揀，佢哋主要係配合檔期同提供建議，唔會格硬塞俾我哋。另外一點幾特別係佢哋覆message都快，有時夜晚佢哋都會回覆，對於我哋返工忙嘅人嚟講幾方便，可以隨時問問題。 整體服務係舒服嘅，冇 hard sell，亦冇隱藏消費，所有價錢同條款都講得幾清楚。我覺得團隊可以再主動多啲了解客人需要，或者多啲問客人有冇其他未諗到嘅要求， 會更加好😆。

 一開始同 Miss Suki Wedding聯絡嘅時候，感覺都幾好，回覆速度算快，而且無論我問咩問題，佢哋都會答到，亦會俾到建議，唔會只係簡單覆完就算。整體溝通上係順暢同清晰嘅，唔會有種無人理或者唔知點做嘅感覺。 我揀咗佢哋嘅一條龍 package，包括場地、化妝同攝影，對我嚟講方便好多，因為唔洗自己逐樣去搵同溝通。無論係試衫定係前期準備， Miss Suki Wedding嘅同事都好 nice， 態度亦都幾有耐性。 到婚禮當日，攝影師同化妝師嘅表現都令我幾滿意，我都好欣賞佢哋！攝影師會俾指示，令我唔會太緊張， 整體感覺係專業同可靠。化妝師就更加令我印象深刻，佢好細心，會留意我嘅狀態，例如我喊完會即刻幫我補妝，而且全程都好照顧我😛。後尾先知道佢仲會幫我影咗好多花絮相， 呢啲細節位我幾欣賞。就算佢係台灣人，有少少語言差異，但相處落都好自然，亦幾啱傾。 至於婚紗方面，雖然係租借，但款式我覺得都幾靚，而且選擇都算多❤️。試衫過程入面，如果有唔明，例如點樣著、點樣處理啲細節，同事都會好有耐性逐樣教，唔會覺得煩。 Miss Suki Wedding每一位同事都幾有禮貌，亦願意花時間解答問題💕。